Yesaya 54:1-17
54 “Fhululedza iwe mufumakadzi a sa bebi!+
Takala u pembele,+ iwe u sa athu u pfaho vhuṱungu ha u beba,+Ngauri vhana vha mufumakadzi a sa bebi vho ḓalaU fhira vhana vha mufumakadzi a re na munna,”*+ u ralo Yehova.
2 “Engedza fhethu he wa ṱoka hone dennde ḽau.+
Engedza malabi a dennde ḽihulu ḽikhethwa.
U songo litsha, engedza thambo dza dennde ḽau,U khwaṱhise tsimbi dzau dza u ṱoka dennde.+
3 Ngauri u ḓo phaḓalala wa ya thungo ya tsha u ḽa na tsha monde.
Vhana vhau vha ḓo thuba dzitshaka,Vha ḓo dzula kha miḓi i re mashubi.+
4 U songo ofha,+ ngauri a u nga shoniswi;+U songo ḓipfa wo nyadzea, ngauri a u nga ḓo kulwa nungo.
U ḓo hangwa u shoniswa ha misi iḽa u tshee muswa,A u tsha ḓo dovha wa humbula u nyadzea hau nga u vha tshilikadzi.”
5 “Ngauri Musiki wau Muhulwane+ u tou nga munna* wau,+Dzina ḽawe ndi Yehova wa mavhuthu,Mukhethwa wa Isiraele ndi Murengululi wau.+
U ḓo vhidzwa Mudzimu wa ḽifhasi ḽoṱhe.+
6 Yehova o u vhidza u tshi nga mufumakadzi o laṱiwaho ane a khou pfa vhuṱungu,+U tshi nga mufumakadzi we a vhingwa a tshee muswa, a ṱaliwa,” u ralo Mudzimu wau.
7 “Ndo u laṱa lwa tshifhinganyana,Ndi ḓo u vhuisa nga khathutshelo khulu.+
8 Nga ṅwambo wa mbiti ndo u dzumbela tshifhaṱuwo tshanga lwa tshifhinganyana,+Fhedzi nga ṅwambo wa lufuno lu sa shanduki, lu sa fheli ndi ḓo u khathutshela,”+ u ralo Yehova Murengululi wau.+
9 “Kha nṋe zwi tou nga zwa tshifhingani tsha Noaxe.+
Samusi ndo ana uri maḓi a tshifhingani tsha Noaxe ha tsha ḓo dovha a ḓadza ḽifhasi,+Nga zwenezwo, ndi khou ana uri a thi tsha ḓo u sinyutshela kana u u kaidza.+
10 Naho thavha dzi tshi nga sudzuluwaNa zwikwara zwa dzinginyea,Fhedzi lufuno lwanga lu sa shanduki a lu nga dzinginyei,+Na mulanga wanga wa mulalo a u nga dzinginyei,”+ u ralo Yehova, Ane a khou u khathutshela.+
11 “Iwe mufumakadzi o tambulaho,+ o vhudzulwaho nga ḓumbu, a songo khuthadzwaho,+Ndi khou tsheṱa matombo au nga daka ḽo khwaṱhahoNa mutheo wau nga matombo a safire.+
12 Mbondo dzau ndi ḓo dzi fhaṱa nga matombo a rubi,Khoro dzau nga matombo a penyaho,Na mikano yau nga matombo avhuḓi.
13 Vharwa* vhau vhoṱhe vha ḓo funzwa nga Yehova,+Mulalo wa vharwa* vhau u ḓo vha muhulu.+
14 U ḓo khwaṱhiswa nga zwivhuya.+
A u tsha ḓo tsikeledzwa,+A u nga ofhi tshithu,Zwi ofhisaho zwi ḓo vha kule na iwe.+
15 Arali ha vha na ane a lwa na iwe,U ḓo vha a songo rumiwa nga nṋe.
Iwe u ḓo kunda vhane vha lwa na iwe.”+
16 “Ndi nṋe we nda sika munna a re na vhutsila,Ane a vhudzedza mulilo,Mushumo wawe ndi u ita zwiṱhavhane.
Ndi nṋe we nda dovha nda sika na mutshinyadzi uri a fhelise.+
17 Zwiṱhavhane zwoṱhe zwo itelwaho u lwa na iwe a zwi nga u huvhadzi,+U ḓo kaidza lulimi luṅwe na luṅwe lune lwa ḓo lwa na iwe khaṱhuloni.
Ndi ḽone ifa ḽa vhashumeli vha Yehova,Zwivhuya zwavho zwi bva ha nṋe,” u ralo Yehova.+