Yesaya 56:1-12
56 Yehova u ri:
“Dzulani ni tshi haṱula nga nḓila yo teaho,+ ni tshi ita zwivhuya,Ngauri u tshidza hanga hu tsiniZwivhuya zwanga zwi ḓo dzumbululwa.+
2 Hu takala muthu ane a ita zwenezwiNa murwa muthu ane a farelela khazwo,Ane a tevhedza Savhatha a si i tshikafhadze+Ane a ḓifara uri zwanḓa zwawe zwi si ite vhuvhi naho vhu vhufhio.
3 Mutsinda ane a ḓibaḓekanya na Yehova+ ho ngo tea uri,‘Nga ngoho, Yehova ha nga ndzhii sa muṅwe wa vhathu vhawe.’
Khombe a yo ngo tea uri, ‘Ndi muri wo omaho.’”
4 Zwine Yehova a zwi vhudza khombe dzine dza tevhedza savhatha dzanga na dzine dza nanga u ita zwine zwa ntakadza na dzine dza tevhedza mulanga wanga, ndi hezwi:
5 “Ndi ḓo dzi ṋea tshihumbudzi na dzina nḓuni yanga,Zwine zwa fhira vharwa na vhananyana.
Ndi ḓo dzi ṋea dzina ḽa lini na lini,Ḽine ḽa sa ḓo thuthwa.
6 Kha vhatsinda vhe vha ḓibaḓekanya na Yehova uri vha mu shumele,Vha fune dzina ḽa Yehova+Na u vha vhashumeli vhawe,Vhoṱhe vhane vha tevhedza Savhatha na u sa i tshikafhadzaNa vhane vha tevhedza mulanga wanga,
7 Na vhone ndi ḓo vha ḓisa thavhani yanga khethwa+Nda ita uri vha takale vhe nḓuni yanga ya thabelo.
Zwifhiwa zwavho zwa u fhiswa na zwiṱhavhelo zwi ḓo ṱanganedzwa kha aḽeṱare yanga.
Ngauri nnḓu yanga i ḓo vhidzwa nnḓu ya thabelo ya tshaka dzoṱhe.”+
8 Yehova Murena Muvhusahoṱhe, ane a khou kuvhanganya vhathu vho balanganaho vha Isiraele+ u ri:
“Ndi ḓo mu kuvhanganyela vhaṅwe nga nnḓa ha vho no kuvhanganywaho.”+
9 Inwi phukha dzoṱhe dza ḓaka, iḓani ni ḽe,Inwi phukha dzoṱhe dzi re ḓakani.+
10 Vhalindi vhawe a vha vhoni,+ vhoṱhe a vho ngo zwi ṱhogomela.+
Vhoṱhe vha nga mmbwa dzi sa huvhi.+
Vha khou femeleka vho lala fhasi; vha dzula vha tshi khou kumedza.
11 Ndi mmbwa dzi sa furi;*A vha fushei.
Ndi vhalisa vha si na ṱhalukanyo.+
Muṅwe na muṅwe o fara nḓila yawe;Vhoṱhe vha ṱoḓa u ḓivhuyedza nga vhufhura, vha ri:
12 “Iḓani, ri ye u dzhia waini,Kha ri nwe u swika ri tshi kambiwa.+
Na ḽa matshelo ḽi ḓo tou rali kana ḽa fhira zwenezwi!”