Yesaya 59:1-21
59 Tshanḓa tsha Yehova a si tshipfufhi lune tsha nga kundelwa u tshidza,+Na nḓevhe yawe a yo ngo dzinga lune ya nga kundelwa u pfa.+
2 Ndi vhukhakhi hau he ha u fhambanya na Mudzimu wau,+Ndi zwivhi zwau zwe zwa ita uri a u dzumbele tshifhaṱuwo tshawe,Ndi ngazwo a tshi hana u u thetshelesa.+
3 Ngauri zwanḓa zwau zwo tswuka nga malofha+Minwe yau yo tswuka nga vhukhakhi.
Milomo yau i amba mazwifhi,+ lulimi lwau lu bula zwi songo lugaho.
4 A hu na ane a vhidzelela zwivhuya,+A hu na ane a ya khothe a amba ngoho.
Vha fhulufhela zwithu zwi si zwa vhukuma+ na u amba zwithu zwi si na mushumo.
Vha vhifha muvhilini nga khombo vha beba zwi vhaisaho.+
5 Vha thothonya makumba a ṋowa i re na vhuṱungu,Vha luka lubuvhi lwa buvhi.+
Ane a ḽa makumba avho u ḓo fa,Kumba ḽine ḽa kwashea ḽi bvisa vuluvulu.
6 Lubuvhi lwavho lu nga si vhe tshiambaro,Vha nga si fuke zwe vha luka.+
Mishumo yavho ndi mivhi,Na mishumo ya vhuvemu i zwanḓani zwavho.+
7 Milenzhe yavho i gidimela u ita vhuvhi,Vha gidimela u shulula malofha a si na mulandu.+
Mihumbulo yavho ndi mivhi;U tshinyadza na u tambudza hu nḓilani dzavho.+
8 A vha ḓivhi nḓila ya mulalo,He vha kanda a hu na khaṱhulo yo teaho.+
Vha kombamisa nḓila dzavho;Ane a tshimbila khadzo ha nga ḓivhi mulalo.+
9 Ndi ngazwo khaṱhulo yo teaho i kule na riṋe,Ri sa swikelwi nga zwivhuya.
Ri dzula ro lavhelela tshedza, fhedzi hu na swiswi;Ro lavhelela tshedza, fhedzi ri dzula ri tshi tshimbila swiswini ḽihulu.+
10 Ri phuphuledza luvhondo sa vha sa vhoni;Ri dzula ri tshi phuphuledza sa vha sa vhoni.+
Ri khukhulwa masiari tshivhangalala zwa tou nga ndi vhusiku;Ri nga vhafu musi ri vhukati ha vha re na maanḓa.
11 Roṱhe ri dzula ri tshi khou vhomba sa zwivhingwiRi lila lu ṱungufhadzaho sa maivha.
Ri lavhelela khaṱhulo yo teaho, fhedzi a i ho;Ri lavhelela u tshidzwa, fhedzi hu kule na riṋe.
12 Vhushandukwa hashu ndi vhunzhi phanḓa hau;+Zwivhi zwashu zwoṱhe zwi a ri pomoka.+
Ngauri vhushandukwa hashu ri a vhu ḓivha;Vhukhakhi hashu ri vhu ḓivha zwavhuḓi.+
13 Ro tshinya na u landula Yehova;Ro shandukela Mudzimu washu.
Ro amba zwa u tsikeledza na zwa vhushandukwa;+Ro beba mazwifhi, mbiluni dzashu ra a amba.+
14 A hu tshee na khaṱhulo yo teaho,+Zwivhuya zwo ima kule;+Ngoho* yo khukhulwa khoroni,Na zwo lugaho a zwi tsha kona u dzhena.
15 A hu tshee na ngoho,*+Ane a laṱa zwivhi u dzhielwa zwine a vha nazwo.
Yehova o zwi vhona, zwa mu sinyusa,*Ngauri ho vha hu si na khaṱhulo yo teaho.+
16 O vhona uri a hu na muthu,O mangadzwa ngauri ho vha hu si na mulamuli,Nga zwenezwo, tshanḓa tshawe tsho ḓisa u tshidza,*Na zwivhuya zwawe zwa mu tikedza.
17 Nga zwenezwo, a ambara zwivhuya sa tshiambaro tsha u ḓitsireledza nndwaniṰhohoni yawe a ambara gondolo ḽa u tshidza.*+
A ambara zwiambaro zwa ndifhedzo+U fhisea a hu fuka sa tshiambaro.*
18 U ḓo vha lambedza kha zwe vha zwi ita:+
A halifhela vhane vha mu vhenga, a lifhedza maswina awe.+
Zwiṱangadzime u ḓo zwi ṋea malamba azwo.
19 Vha thungo ya vhukovhela vha ḓo ofha dzina ḽa YehovaVha thungo ya vhubvaḓuvha vha ḓo ofha vhugala hawe,Ngauri u ḓo ḓa sa mulambo u kumbaho,Une wa sukumedzwa nga muya wa Yehova.
20 “Murengululi+ u ḓo ḓa Tsioni,+Kha vha Yakobo vhe vha laṱa vhutshinyi havho,”+ u ralo Yehova.
21 “A vha nṋe, mulanga wanga une nda u vhofha navho+ ndi hoyu,” u ralo Yehova. “Muya wanga u re kha iwe na maipfi anga e nda a vhea mulomoni wau, ha nga bviswi mulomoni wau na mulomoni wa vhana* vhau kana mulomoni wa vhaḓuhulu vhau,* u bva zwino u ya nga hu sa fheli,” u ralo Yehova.
Ṱhaluso dzi re magumoni a siaṱari
^ Kana “U fhulufhedzea.”
^ Kana “u fhulufhedzea.”
^ Thevhedz., “zwo vha zwo vhifha maṱoni awe.”
^ Kana “tsho mu ḓisela gundo.”
^ Kana “tshiambaro tshi si na zwanḓa.”
^ Kana “gundo.”
^ Thevhedz., “mbeu.”
^ Thevhedz., “mbeu ya mbeu yau.”
