Yesaya 60:1-22
60 “Iwe mufumakadzi, vuwa+ u vhonetshele, ngauri tshedza tshau tsho swika.
Vhugala ha Yehova vhu khou u vhonetshela.+
2 Ngauri swiswi ḽi ḓo tiba ḽifhasiNa swiswi ḽihulu ḽi ḓo tiba dzitshaka;Fhedzi Yehova u ḓo u vhonetshela,Vhugala hawe vhu ḓo vhonala kha iwe.
3 Tshaka dzi ḓo ya kha tshedza tshau+Mahosi+ a ya kha lunako lwau lu vhonetshelaho.*+
4 Takusa maṱo au u lavhelese u mona na iwe!
Vho kuvhangana vhoṱhe; vha khou ḓa kha iwe.
Vharwa vhau vha ḓa vha tshi bva kule,+Na vhananyana vhau vho bebiwa muṱanani.+
5 Nga tshenetsho tshifhinga u ḓo zwi vhona, wa takala,+Mbilu yau i ḓo divhitha ya ḓala dakalo,Ngauri lupfumo lwa lwanzheni lu ḓo ḓiswa kha iwe;Thundu ya dzitshaka i ḓo vha yau.+
6 Masambi a gamela a ḓo ḓadza shango ḽau,Gamela dza nduna dza Midiani na dza Efa.+
Vhoṱhe vhane vha bva Sheba vha ḓo ḓa;Vho hwala musuku na zwioro zwitshena.
Vha ḓo ḓivhadza thendo dza Yehova.+
7 Masambi oṱhe a Kedara+ a ḓo kuvhanganela iwe.
Thutha dza Nebayothe+ dzi ḓo u shumela.
Dzi ḓo ḓa aḽeṱareni yanga, nda dzi ṱanganedza,+Ndi ḓo nakisa nnḓu yanga ya vhugala.*+
8 Ndi vhonnyi vhaḽa vhane vha fhufha sa makole,Vhane vha nga maivha a tshi fhufhela zwiḓuni zwao?
9 Ngauri zwiṱangadzime zwi ḓo vhea fhulufhelo kha nṋe;+Zwikepe zwa Tharasisi ndi zwone zwine zwa ranga phanḓa,Zwi tshi vhuisa vharwa vhaṋu vha tshi bva kule,+Vhe na siḽiva yavho na musuku wavho,Vha tshi itela dzina ḽa Yehova Mudzimu wau, Mukhethwa wa Isiraele,Ngauri u ḓo u hulisa.*+
10 Vhatsinda vha ḓo fhaṱa mbondo dzau,Na mahosi avho a ḓo u shumela,+Ngauri ndo u rwa ndo sinyuwa,Fhedzi ngauri ndi a u takalela ndi ḓo u khathutshela.+
11 Khoro dzau dzi ḓo dzula dzo vulwa tshifhinga tshoṱhe;+A dzi nga valwi vhusiku kana nga masiari,Uri u ḓiselwe thundu dza dzitshaka,Mahosi adzo a ḓo thoma u ita zwenezwi.+
12 Ngauri lushaka na muvhuso une wa sa ḓo u shumela u ḓo lovha,Tshaka dzi ḓo fheliswa tshoṱhe.+
13 Vhugala ha Libanoni vhu ḓo ḓa kha iwe,+Khathihi na muri wa mudzhunipa, mutondo na muṱongola,+Uri zwi nakise nnḓu khethwa yanga;Ndi ḓo hulisa fhethu hune milenzhe yanga ya kanda hone.+
14 Vharwa vha vhe vha u tsikeledza vha ḓo ḓa vha gwadama phanḓa hau;Vhoṱhe vhane vha u nyadza vha fanela u gwadama milenzheni yau,Vha ḓo u vhidza muḓi wa Yehova,Tsioni wa Mukhethwa wa Isiraele.+
15 Nṱhani ha u laṱiwa na u vhengiwa, hu si na ane a fhira nga vhukati hau,+Ndi ḓo u ita tshisima tsha u ḓihudza tsha lini na lini,Wa takalelwa nga mirafho yoṱhe.+
16 U ḓo nwa mafhi a dzitshaka,+U ḓo mama maḓamu a mahosi;+Ndi hone u tshi ḓo ḓivha ngangoho uri nṋe Yehova ndi Mutshidzi wau,Na uri wa Maanḓa wa Yakobo ndi Murengululi wau.+
17 Nṱhani ha koporo ndi ḓo ḓisa musuku,Nṱhani ha tsimbi ndi ḓo ḓisa siḽiva,Nṱhani ha thanda ndi ḓo ḓisa koporo,Nṱhani ha matombo ndi ḓo ḓisa tsimbi;Ndi ḓo vhea mulalo sa vhalavhelesi vhauNa zwivhuya sa vhaṋei vhau vha mushumo.+
18 Shangoni ḽau a hu tsha ḓo vha na khakhathiKana ndozwo kana u tshinyadzwa mikanoni yau.+
Mbondo dzau u ḓo ri dzi pfi u Tshidzwa+ na khoro dzau u ḓo ri dzi pfi Thendo.
19 Ḓuvha a ḽi tsha ḓo vha tshedza tshau nga masiari,Na ṅwedzi u vhonetshelaho a u tsha ḓo vha tshedza tshau,Ngauri Yehova u ḓo vha tshedza tshau lini na lini,+Mudzimu wau u ḓo vha lunako lwau.+
20 Ḓuvha ḽau a ḽi tsha ḓo kovhela,Ṅwedzi wau a u tsha ḓo swifhala,Ngauri Yehova u ḓo vha tshedza tshau tsha lini na lini,+Na maḓuvha au a u lila a ḓo vha o fhela.+
21 Ndi hone vhathu vhau vhoṱhe vha tshi ḓo vha vhavhuya;Shango ḽi ḓo vha ḽavho lini na lini.
Ndi vhone zwimela zwe nda ṱavha,Mishumo ya zwanḓa zwanga,+ uri nṋe ndi nakiswe.+
22 Kha a nyadzeaho hu ḓo bva vha tshigidiNa kha a re muṱuku hu ḓo bva lushaka lwa maanḓa.
Nṋe Yehova ndi ḓo zwi ṱavhanyisa nga tshifhinga tshazwo.”
Ṱhaluso dzi re magumoni a siaṱari
^ Kana “kha tshedza tshau tsha maḓautsha.”
^ Kana “nnḓu yanga yo nakaho.”
^ Kana “nakisa.”
