Yesaya 8:1-22
8 Yehova a amba na nṋe a ri: “Dzhia mbaba+ khulwane u ṅwale khayo nga tsha u ṅwala u ri, ‘Mahere-shalala-hashi-basi.’*
2 Ndi ḓo ita uri ṱhanzi dzi fhulufhedzeaho, tshifhe Uria+ na Sakaria murwa wa Yeberekia vha zwi khwaṱhisedze nga u ṅwala fhasi.”*
3 Nda ita zwa vhudzekani na muporofita wa mufumakadzi,* a vhifha muvhilini, nga u ya ha tshifhinga a beba murwa.+ Yehova a amba na nṋe a ri: “Mu ire dzina ḽa Mahere-shalala-hashi-basi,
4 ngauri musi mutukana a sa athu u kona u vhidzelela a ri: ‘Khotsi anga!’ na uri ‘Mme anga!’ lupfumo lwa Damaseko na thundu yo thubiwaho ya Samaria zwi ḓo vha zwo no dzhiiwa nga khosi ya Asuri.”+
5 Yehova a dovha a amba na nṋe a ri:
6 “Ngauri vhenevha vhathu vho landula maḓi a elelaho zwavhuḓi a Siloa*+Vha takalela Retsini na murwa wa Remalia,+
7 Yehova u ḓo vha ḓiselaMaḓi manzhi ane a bva Mulamboni,*Ane a vha khosi ya Asuri+ na vhugala hayo hoṱhe.
U ḓo ḓadza milambwana yawo yoṱheA ḓadza philiphili dzawo
8 A kumba ḽoṱhe ḽa Yuda.
A nga muḓalo une wa guma nga mukulo;+A ṱharamudza phapha dzawe dza ḓadza vhuphara ha shango ḽau,Iwe Imanuele!”*+
9 Inwi vhathu, vha huvhadzeni, fhedzi inwi ni ḓo kwashekanywa.
Thetshelesani, inwi noṱhe ni re zwipiḓani zwoṱhe zwa kule zwa ḽifhasi!
Ḓilugiseleleni nndwa, fhedzi inwi ni ḓo kwashekanywa!+
Ḓilugiseleleni nndwa, fhedzi inwi ni ḓo kwashekanywa!
10 Vhambani maano, fhedzi ha nga shumi!
Ambani zwine na funa, fhedzi a zwi nga itei,Ngauri Mudzimu u na riṋe!*+
11 Hezwi ndi zwe Yehova a mmbudza a tshi ntsevha nga tshanḓa tshawe tsha maanḓa, uri ndi songo tevhela nḓila dza vhenevha vhathu:
12 “Ni songo amba uri ndi tshimbevha kha zwine avha vhathu vha amba uri ndi tshimbevha!
Ni songo ofha zwine vha zwi ofha;Zwi songo ita uri ni tetemele.
13 Yehova wa mavhuthu, ndi Ene ane na fanela u mu dzhia sa mukhethwa,+Ndi Ene ane na fanela u mu ofha,Ndi Ene ane a fanela u ita uri ni tetemele.”+
14 U ḓo nga nnḓu khethwa,Na fana na tombo ḽi khukhulahoSa tombo ḽa u wela khaḽo+Kha vha nnḓu ya Isiraele,Sa tshikwekwe na mambuleKha vhadzulapo vha Yerusalema.
15 Vhunzhi havho vha ḓo khukhulwa vha wa vha vunḓea;Vha ḓo fashiwa, vha fariwa.
16 Putelani luṅwalo lwa u khwaṱhisedza;*Khwaṱhisedzani mulayo* kha vhafunziwa vhanga!
17 Ndi ḓo dzula ndo lindela Yehova,+ we a dzumbela vha nnḓu ya Yakobo tshifhaṱuwo tshawe,+ ndi ḓo mu fhulufhela.
18 Nṋe na vhana vhe Yehova a nṋea vhone+ ri nga zwiga+ na vhuṱolo kha ḽa Isiraele zwi bvaho ha Yehova wa mavhuthu, ane a dzula Thavhani ya Tsioni.
19 Arali vha amba na inwi vha ri: “Vhudzisani mingome kana vha u bvumba vhane vha hevhedza,” naa vhathu a vho ngo fanela u vhudzisa Mudzimu wavho? Naa vhafu vha fanela u vhudziswa mafhungo a vha tshilaho?+
20 Nṱhani hazwo, vha fanela u vhudzisa nga ha mulayo na nga ha luṅwalo lwa u khwaṱhisedza!*
Musi vha sa ambi u tendelana na ḽeneḽo fhungo, a vha tsha ḓo vhona tshedza.+
21 Muṅwe na muṅwe u ḓo tendeleka na shango a tshi khou tambula e na nḓala;+ ngauri u na nḓala, o sinyuwa, u ḓo sema khosi yawe na Mudzimu wawe musi a tshi sedza nṱha.
22 Vha ḓo lavhelesa fhasi, vha ḓo vhona zwi tsikeledzaho, swiswi, zwifhinga zwi konḓaho, a hu nga vhi na tshedza.
Ṱhaluso dzi re magumoni a siaṱari
^ Khamusi zwi amba uri “U Ṱavhanya U Thuba, U Gidimela U Dzhiela.”
^ Kana “zwi vhone; zwi ṱanziele.”
^ Ndi mufumakadzi wa Yesaya.
^ Siloa wo vha u mugero wa maḓi.
^ Ndi Yufuratha.
^ Kana “ṱanziela.”
^ Kana “ndayo.”
^ Kana “ṱanziela.”
