Yobo 20:1-29
20 Tsofari+ wa Munaama a fhindula a ri:
2 “U vhilaela hanga hu nṱuṱuwedza uri ndi fhinduleNga nṱhani ha u sinyuwa.
3 Ndo pfa u tshi nkaidza nga u ntsema;U pfesesa hanga ndi hone hune ha nṱuṱuwedza u fhindula.
4 Zwi tou vha khagala uri zwenezwi wo vha u tshi zwi ḓivha,Ngauri zwo vha zwo tou ralo u bva tshee munna* a vhewa kha ḽifhasi,+
5 Uri dakalo ḽa muvhi ḽi vhe ḽa tshifhinganyanaU takala ha muthu a sa ofhi Mudzimu* ndi ha tshifhinganyana.+
6 Naho bvumo ḽawe ḽa swika ṱaḓuluṰhoho yawe ya swika makoleni,
7 U ḓo ngala-ngala lwa tshoṱhe u fana na malaṱwa awe;Vhe vha mu vhona vha ḓo ri: ‘U ngafhi?’
8 U ḓo fhufha vhunga muḽoro, vha nga si mu wane;U ḓo pandelwa vhunga bono ḽa vhusiku.
9 Ḽiṱo ḽe ḽa vhuya ḽa mu vhona, a ḽi tsha ḓo dovha ḽa mu vhona,Na muḓi wawe a u tsha ḓo mu vhona.+
10 Vhana vhawe vha ḓo ṱoḓa u takalelwa nga vhashai,Zwanḓa zwawe zwi ḓo humisa lupfumo lwawe.+
11 Marambo awe o vha e na nungo dza vhuswa,Fhedzi dzi* ḓo eḓela nae buseni.
12 Arali vhuvhi vhu tshi mu ḓifhela mulomoni wawe,Arali a vhu dzumba fhasi ha lulimi lwawe,
13 Arali a vhu muṋa a si vhu pfeFhedzi a vhu khuba mulomoni wawe,
14 Zwiḽiwa zwawe zwi ḓo dunga nga ngomu hawe;Zwi ḓo nga vhuṱungu* ha phakhuphakhu ngomu hawe.
15 O mila lupfumo, fhedzi u ḓo lu ṱanza;Mudzimu u ḓo lu bvisa thumbuni yawe.
16 U ḓo mama vhuṱungu ha phakhuphakhu;Maṋo* a vuluvulu a ḓo mu vhulaya.
17 Ha tsha ḓo vhuya a vhona milambwana,Na mukumbela wa mutoli na boḓoro.
18 U ḓo humisa thundu yawe a songo i ḽa;Ha nga ḓiphiṋi nga lupfumo lwa bindu ḽawe.+
19 Ngauri o tambudza na u laṱa vhashai;O dzhia nnḓu ye a si i fhaṱe.
20 Ha nga ḓo vha na mulalo;Lupfumo lwawe lu nga si mu thuse uri a ponyoke.
21 Ha tshee na tshithu tshine a nga tshi ḽa;Ndi ngazwo a tshi ḓo bvelela lwa tshifhinganyana.
22 Musi lupfumo lwawe lu tshi andesa, u ḓo vha na mbilaelo;U ḓo welwa nga khombo khulu.
23 Musi a tshi ḓadza thumbu yawe,Mbiti dza Mudzimu dzi ḓo mu dugela,Dza mu wela u swika malani awe.
24 Musi a tshi shavha zwiṱhavhane zwa tsimbi,Misevhe ya vhura ha koporo i ḓo mu pfula.
25 U ḓo ṱomola musevhe muṱanani wawe,Musevhe u penyaho we wa vha wo ṱhavha na tshivhindi,A tshuwa.+
26 Lupfumo lwawe lwo lindelwa nga swiswi ḽihulu;U ḓo fhiswa nga mulilo u songo vhudzedzwaho nga muthu;Khombo yo lindela vhane vha sala denndeni ḽawe.
27 Ḽiṱaḓulu ḽi ḓo dzumbulula vhukhakhi hawe;Ḽifhasi ḽi ḓo mu vutshela.
28 Nnḓu yawe i ḓo kumbiwa nga mukumbela;Hu ḓo vha na mukumbela muhulu nga ḓuvha ḽa mbiti dza Mudzimu.
29 Wonoyo ndi mukovhe wa muvhi u bvaho ha Mudzimu,Ifa ḽe Mudzimu a mu ṋea ḽone.”
Ṱhaluso dzi re magumoni a siaṱari
^ Kana “muthu; Adamu.”
^ Kana “ha mugunei.”
^ Ndi nungo dzawe.
^ Kana “ndulu.”
^ Thevhedz., “Lulimi.”
