Yobo 33:1-33
33 “Fhedzi zwino ndi a u humbela iwe Yobo uri u thetshelese zwine nda amba;Thetshelesa zwoṱhe zwine nda amba.
2 Ndi tea u vula mulomo wanga;Lulimi lwanga lu tea u amba.
3 Zwine nda amba zwi sumbedza u luga ha mbilu yanga,+Mulomo wanga u amba nga u fhulufhedzea zwine nda zwi ḓivha.
4 Ndo vhumbiwa nga muya wa Mudzimu,+Mufemo wa Ramaanḓaoṱhe wo ita uri ndi tshile.+
5 Mphindule arali u tshi kona;Ḓilugise u ḓise mafhungo au phanḓa hanga.
6 Nṋe na iwe ri a fana phanḓa ha Mudzimu wa ngoho;Na nṋe ndo vhumbiwa nga vumba.+
7 U ofhisa hanga hu songo u tshuwisa,U songo tendela mutsiko wanga u tshi u tsikeledza.
8 Fhedzi zwe wa amba ndo zwi pfa,Ndo pfa u tshi amba haya maipfi,
9 ‘Ndo kuna, a tho ngo tshinya;+A thi na tshika, a tho ngo khakha.+
10 Fhedzi Mudzimu o wana zwiitisi zwa u mpikisa;U ndzhia ndi swina ḽawe.+
11 U pata milenzhe yanga nga mabulannga;U ṱolisisa nḓila dzanga dzoṱhe.’+
12 Fhedzi u khou khakha u tshi amba zwenezwo, ndi ḓo u fhindula nda ri:
Mudzimu ndi muhulwane u fhira muthu.+
13 Ndi ngani u tshi Mu gungulela?+
Naa ndi ngauri ho ngo fhindula zwoṱhe zwe wa amba?+
14 Mudzimu u a ḓi amba a dovha,Fhedzi hu si vhe na ane a thetshelesa,
15 Nga muḽoro, nga bono ḽa vhusiku,+Musi vhathu vho eḓela khofhe khuluMusi vho eḓela mimbeteni yavho.
16 Huno u vula nḓevhe dzavho+A ita uri vha pfe ndayo yawe,
17 Uri a humise muthu kha vhutshinyi hawe+Uri a tsireledze muthu kha u ḓihudza hawe.+
18 Mudzimu u tshidza vhutshilo hawe uri a si ye dindini,*+Uri a si fe nga banga.*
19 Muthu u dovha a kaidzwa nga vhuṱungu vhune a vhu pfa e mmbeteni waweNa nga u dzulela u rema ha marambo awe,
20 Zwine a vha zwone* zwi ita uri a nengwe vhurotho,A hane na zwiḽiwa zwavhuḓi.+
21 Ṋama yawe ya fhelela i si tsha vhonala,Na marambo awe e a vha o dzumbama zwino a vho vhonala.
22 Vhutshilo hawe ho sendela tsini na dindi;*Vhutshilo hawe vhu tsini na vhane vha vhulaya.
23 Arali e na muḓinḓa,*Muambeli muthihi kha vha tshigidi,Uri a vhudze muthu zwo lugaho,
24 Mudzimu u a mu takalela, a ri:
‘Nga a tshidzwe uri a si ye dindini!*+
Ndo wana tshirengululi!+
25 Ndi hone muvhili wawe u tshi ḓo dovha wa vha muswa;+A vha na maanḓa u fana na musi a tshee muswa.’+
26 U ḓo humbela Mudzimu+ a mu ṱanganedza,U ḓo vhona tshifhaṱuwo Tshawe a pembela,U ḓo vusulusa u luga Hawe kha onoyo muthu.
27 Onoyo muthu u ḓo vhudza* vhathu uri:
‘Ndo ita tshivhi,+ ndo shanda zwo lugaho,Fhedzi a tho ngo wana zwo nteaho.*
28 O rengulula vhutshilo hanga uri vhu si ye dindini,*+Vhutshilo hanga vhu ḓo vha na tshedza.’
29 Ngangoho Mudzimu u ita zwenezwi zwithu zwoṱheA zwi itela muthu luvhili na luraru,
30 Uri a mu humise dindini,*Uri a vhonetshelwe nga tshedza tsha vhutshilo.+
31 Iwe Yobo! Thetshelesa u pfe zwine nda amba!
U fhumule uri ndi kone u bvela phanḓa ndi tshi amba.
32 Arali hu na zwine wa nga amba, mphindule.
Amba ngauri ndi ṱoḓa u sumbedza uri a u na mulandu.
33 Arali u si na zwine wa nga amba, thetshelesa nṋe;Fhumula ndi ḓo u funza vhuṱali.”
Ṱhaluso dzi re magumoni a siaṱari
^ Kana “nga tshiṱhavhane.”
^ Kana “vhiḓani.”
^ Thevhedz., “Vhutshilo hawe.”
^ Kana “vhiḓa.”
^ Kana “muruṅwa.”
^ Kana “vhiḓani.”
^ Thevhedz., “imbela.”
^ Kana khamusi, “A zwo ngo mmbuyedza.”
^ Kana “vhiḓani.”
^ Kana “vhiḓani.”
