Yobo 35:1-16
35 Elihu a bvela phanḓa a tshi fhindula a ri:
2 “Naa u na vhungoho ha uri wo luga lune wa ri,‘Ndo luga u fhira Mudzimu’?+
3 Ngauri u ri: ‘Iwe zwi u kwama ngani?*
Naa ndi kha vhuimo ha khwine u fhira arali ndi vhe ndo ita tshivhi?’+
4 Ndi ḓo fhindula iweNa khonani dzau+ dzine wa vha nadzo.
5 Lavhelesa ṱaḓulu,U sedze makole+ a re nṱha hau.
6 Arali wa ita tshivhi, u mu vhaisa ngani?+
Arali vhutshinyi hau ho ḓalesa, zwi mu dina ngani?+
7 Arali wo luga, u mu ṋea mini;Ndi mini tshine a tshi ṱanganedza tshi tshi bva ha iwe?+
8 Vhuvhi hau vhu kwama muthu a fanaho na iwe fhedzi,U luga hau hu kwama murwa muthu.
9 Vhathu vha a lila musi vho tsikeledzea zwihulu;Vha a lila uri vha vhofhololwe kha vha maanḓa.+
10 Fhedzi a hu na ane a ri: ‘Mudzimu u ngafhi, ene Musiki wanga Muhulwane,+Ane a ita uri nyimbo dzi imbiwe vhusiku?’+
11 A ri funza+ u fhira zwivhanda,+A ita uri ri ṱalifhe u fhira zwiṋoni.
12 Vhathu vha a vhidzelela, fhedzi a si aravhe,+Nga nṱhani ha u ḓihudza ha vhavhi.+
13 Ngangoho Mudzimu ha thetshelesi tshililo tsha khole-khole;*+Ramaanḓaoṱhe ha livhisi ṱhogomelo khatsho.
14 Hu pfi mini arali u tshi khou gungulela uri a u mu vhoni!+
Mulandu wau u phanḓa hawe, nga zwenezwo u fanela u mu lindela.+
15 Ngauri ho ngo ṱoḓa u u sengisa o sinyuwa;Kana u dzhiela nṱha swili yau.+
16 Yobo u aṱama mulomo a amba zwi si na mushumo;A amba mafhungo manzhi a si na nḓivho.”+
Ṱhaluso dzi re magumoni a siaṱari
^ Zwi vhonala u nga zwi khou ambela kha Mudzimu.
^ Kana “mazwifhi.”
