Yobo 40:1-24
40 Yehova a bvela phanḓa a tshi fhindula Yobo a ri:
2 “Naa muthu a nga vhona Ramaanḓaoṱhe mulandu a lwa nae?+
Ane a ṱoḓa u kaidza Mudzimu nga a fhindule.”+
3 Yobo a fhindula Yehova a ri:
4 “A zwo ngo mpfanela.+
Ndi nga u fhindula nda ri mini?
Ndi vala mulomo wanga nga tshanḓa.+
5 Ndo amba luthihi, fhedzi a thi tsha ḓo dovha nda fhindula;Lwa vhuvhili, a thi tsha ḓo dovha nda amba.”
6 Yehova a fhindula Yobo e kha ḓumbu+ a ri:
7 “Ndi humbela uri u ime sa munna;Ndi u vhudzise, iwe u mphindule.+
8 Naa u timatima* khaṱhulo yanga?
Naa u khou ntsasaladza uri iwe u vhonale u si na mulandu?+
9 Naa u na tshanḓa tshi re na maanḓa u fana na tsha Mudzimu wa ngoho,+Kana naa ipfi ḽau ḽi nga bvuma u fana na ḽawe?+
10 Ndi humbela uri u ḓiambadze vhugala na vhuhulwane;U ḓiambadze tshirunzi na lunako.
11 U shulule vhuhali ha mbiti dzau;U sedze ane a ḓihudza, u mu nyadzise.
12 U sedze ane a ḓihudza, u mu ṱukufhadze,U kandekanye vhavhi hune vha ima hone.
13 U vha dzumbe vhoṱhe buseni;U vha vhofhe fhethu ho dzumbamaho,
14 Ndi hone ndi tshi ḓo u hulisa*Uri tshanḓa tshau tsha u ḽa tshi u tshidze.
15 Vhona mvuvhu* ye nda i vhumba, vhunga ndi tshi vhumba iwe.
I ḽa hatsi vhunga mboho.
16 Edzou vhona maanḓa a re kha muṱoḓo wayoNa maanḓa a re kha misipha ya thumbu yayo!
17 I khwaṱhisa mutshila wayo sa muṱaululo;Tsinga dza zwizwani zwayo dzo lukekana.
18 Marambo ayo a nga phaiphi dza koporo;Miraḓo yayo i nga mbaḓa dza tsimbi.
19 Ndi yone ya u thoma kha mishumo ya Mudzimu;Ndi Musiki wayo fhedzi ane a nga sendela tsini nayo e na banga ḽawe.
20 Thavha dzi bveledza zwiḽiwa zwayo,Hune phukha dzoṱhe dza tamba hone.
21 I lala fhasi ha maluvha a maḓini,Mirunzini ya ṱhanga dza matzhavani.
22 Maluvha a maḓini a i itela murunzi,Yo tangwa nga miri ya mipopula ya govhani.*
23 Musi mulambo u tshi ḓala, a i tshuwi.
I a ḓifhulufhela, naho Mulambo wa Yorodane+ wa ḓala wa dzhena mulomoni wayo.
24 Naa hu na muthu ane a nga i fara yo lavhelesa,Kana u phula ningo yayo nga huka?*
Ṱhaluso dzi re magumoni a siaṱari
^ Kana “nyadza.”
^ Kana “u khoḓa.”
^ Nga Tshihevheru ndi “Behemothe.”
^ Kana “muedzini.”
^ Thevhedz., “tshikwekwe.”
