Yobo 6:1-30
6 Yobo a fhindula a ri:
2 “Arali vhuṱungu hanga+ ho vha vhu tshi nga kaliwaHa vhewa kha zwikalo na khombo dzanga!
3 Vhu nga lemela u fhira muṱavha wa lwanzhe,Ndi ngazwo ndi tshi sokou amba-amba.+
4 Ngauri ndo pfulwa nga misevhe ya Ramaanḓaoṱhe,Ndi khou nwa vhuṱungu hayo;+Ndo ḓelwa nga zwi ofhisaho zwi bvaho ha Mudzimu.
5 Naa donngi+ i nga lila i na hatsi?
Kana kholomo i nga lila i na hatsi?
6 Naa u nga ḽa zwiḽiwa zwi sa ḓifhi zwi songo shelwa muṋo?
Kana naa muthotho wa muroho u a ḓifha?
7 A tho ngo kwama zwithu zwo raloho.
Zwi tou nga tshika zwiḽiwani zwanga.
8 Ngavhe ndi tshi ṋewa zwe nda zwi humbelaMudzimu a tshi nṋea zwine nda zwi tama!
9 Uri Mudzimu a nkwashe,A ṱharamudze tshanḓa tshawe a mphelise!+
10 Mbilu yanga yo vha i tshi ḓo rula;Ndo vha ndi tshi ḓo pembela nga dakalo naho ndi tshi khou pfa vhuṱungu vhuhulu,A tho ngo hanedza zwe zwa ambiwa nga Mukhethwa.+
11 Naa ndi kha ḓi kona u konḓelela?+
Ndi kha ḓi tshilela mini, arali hu si na zwivhuya zwe nda zwi lindela?
12 Naa nungo dzanga dzi nga tombo?
Kana naa muvhili wanga wo itwa nga koporo?
13 Naa hu na zwine nda nga zwi itaMusi ndo dzhielwa zwoṱhe zwine zwa ntika?
14 Ane a si sumbedze muṅwe lufuno lu sa shanduki+U ḓo litsha u ofha Ramaanḓaoṱhe.+
15 Khonani dzanga dzo nnyitela tshimbevha+ sa mulambwana wa vhuria,U fana na milambwana ya vhuria ine ya xa.
16 Yo swifhadzwa nga gwada ḽa maḓi o omaho,Khayo ho dzumbama mahaḓa ane a khou ṋoka.
17 Fhedzi nga u ya ha tshifhinga i a xa i si tsha vha hone;Musi ḽi tshi fhisa, i a xa.
18 I pambuwa nḓilani dzayo;I elela i tshi ya sogani ya xa.
19 Vhatshimbili vha ngei Thema+ vha ya khayo;Vhaendi vha bvaho Sheba+ vho i lindela.
20 Vha shona nga nṱhani ha u fhulufhela zwithu zwi siho;Vha tshi swika henefho vha kulea nungo.
21 Ndi zwine na inwi na vha zwone kha nṋe;+No vhona zwine zwa ofhisa kha nṋe,+ zwino ni vho ofha.
22 Naa ndo vhuya nda ri: ‘Nṋeeni tshiṅwe tshithu,’Kana u humbela uri ni nṋee tshifhiwa tshi bvaho kha lupfumo lwaṋu?
23 Naa ndo ni humbela uri ni nndamulele zwanḓani zwa swinaKana uri ni ntshidze* kha vha ntsikeledzaho?
24 Mpfunzeni, ndi ḓo fhumula;+Nthuseni uri ndi vhone vhukhakhi hanga.
25 Ngoho a i vhavhi!+
Fhedzi ni tshi nkaidza ndi ḓo vhuyelwa ngani?+
26 Naa ni khou vhamba maano a u nkaidzela zwe nda amba,Zwine zwa ambiwa nga muthu o hanganeaho,+ zwine zwa vhudzulelwa kule nga muya?
27 No vha ni tshi itela tshisiwana+ madeṅwaNi tshi rengisa na khonani yaṋu!+
28 Zwino rembuluwani ni ntsedze,Ngauri ndi nga si ni zwifhele ro livhana zwifhaṱuwo.
29 Shandulani muhumbulo, ni songo nkhaṱhula nga nḓila i songo teaho,U shanduleni, ngauri a thi na mulandu.
30 Naa ndi khou amba zwi songo lugaho?
Naa ni humbula uri a thi ḓivhi zwo khakheaho?
Ṱhaluso dzi re magumoni a siaṱari
^ Thevhedz., “nthengulule.”
