Yoele 1:1-20
1 Zwe Yehova a vhudza Yoele* murwa wa Phethuele ndi hezwi:
2 “Inwi vhahulwane, ipfani hezwi,Inwi vhadzulapo vhoṱhe vha shango,* thetshelesani.
Naa ho no vhuya ha itea zwithu zwi fanaho na zwenezwi tshifhingani tshaṋuKana tshifhingani tsha vhokhotsi aṋu?+
3 Zwi vhudzeni vhana vhaṋu,Vhana vhaṋu vha zwi vhudze vhana vhavho,Na vhana vhavho vha zwi vhudze murafho u tevhelaho.
4 Zwo siiwaho nga nzie dzi tshinyadzaho, zwo ḽiwa nga guma ḽa nzie;+Zwo siiwaho nga guma ḽa nzie, zwo ḽiwa nga nzie dzi si na maphapha;Zwo siiwaho nga nzie dzi si na maphapha, zwo ḽiwa nga nzie dzi sa furi.+
5 Inwi zwidakwa,+ vuwani ni lile!
Inwi vhanwi vhoṱhe vha waini, lilani,Ngauri no dzhielwa waini i ḓifhaho.+
6 Ngauri ho ḓa lushaka lu re na maanḓa na lu sa vhalei shangoni ḽanga.+
Maṋo alwo a nga a ndau+ na ṱhaha dzalwo dzi nga dza ndau.
7 Lwo tshinyadza munḓirivhe wanga, lwa sia muhuyu wanga u tshiguthe,Lwa ḽa zwoṱhe ha sala hu si na tshithu, lwa zwi posela kule,Lwa sia matavhi o tshena.
8 Lilani sa musidzana* o ambaraho madzangandaA tshi lilela munna we a mu vhinga a tshee muswa.
9 Tshifhiwa tsha thoro+ na tsha u nwiwa+ a zwi tsha ya nḓuni ya Yehova;Vhotshifhe vhane vha vha vhaḓinḓa vha Yehova, vha khou lila.
10 Tsimu yo tshinyadzwa, mavu o ṱungufhala;+Ngauri thoro yo tshinyadzwa, waini ntswa yo fhela na mapfura o fhela.+
11 Vhalimi vho kulea nungo, vhane vha shuma tsimuni dza minḓirivhe vha khou lila,Nga nṱhani ha uri goroi na baḽi zwo fhela;Ngauri a hu tsha kaṋiwa tsimuni.
12 Munḓirivhe wo oma,Muhuyu wo puta.
Muphomagraneithi, muri wa mutshevho na muapula,Miri yoṱhe i re tsimuni yo oma;+Ngauri vhathu vha khou shona nṱhani ha u takala.
13 Inwi vhotshifhe, ambarani madzanganda ni ṱungufhale;Lilani inwi ni shumaho aḽeṱareni.+
Inwi vhaḓinḓa vha Mudzimu wanga, iḓani ni ṱwe vhusiku hoṱhe no ambara madzanganda;Ngauri tshifhiwa tsha thoro+ na tsha u nwiwa+ a zwi tsheeho nḓuni ya Mudzimu waṋu.
14 Ḓivhadzani vhathu uri vha ḓidzime zwiḽiwa; ni vhidze tshivhidzo.+
Kuvhanganyani vhahulwane na vhathu vhoṱhe vha ḽeneḽo shango,Uri vha ye nḓuni ya Yehova Mudzimu waṋu,+ vha humbele thuso kha Yehova.
15 Khombo nga ḽeneḽo ḓuvha!
Ngauri ḓuvha ḽa Yehova ḽi tsini,+Ḽi ḓo ḓa sa mutshinyalo u bvaho ha Ramaanḓaoṱhe!
16 Naa a ro ngo dzhielwa zwiḽiwa ro sedza,Ha fheliswa dakalo na u pembela nḓuni ya Mudzimu washu?
17 Mbeu* yo oma nga fhasi ha fosholo dzavho.
Fhethu hune vha vhea hone zwithu ho tshinyadzwa.
Maḓulu o kwashiwa, ngauri thoro yo oma.
18 Na zwifuwo zwi khou gomela!
Kholomo dzo ḓaḓa, ngauri a hu tshee na pfulo!
Na masambi a nngu a khou pfa vhuṱungu.
19 Iwe Yehova, ndi ḓo vhidzelela iwe;+Ngauri mulilo wo fhisa mafulo a re sogani,Mulilo wo fhisa miri yoṱhe i re tsimuni.
20 Na zwivhanda zwi lilela* iwe,Ngauri milambo yo xaNa mulilo wo fhisa mafulo a re sogani.”
Ṱhaluso dzi re magumoni a siaṱari
^ Zwine zwa amba uri “Mudzimu Ndi Yehova.”
^ Kana “ḽifhasi.”
^ Sedzani Mutevhe Wa Ṱhalutshedzo Ya Maipfi.
^ Kana khamusi, “Mahuyu.”
^ Kana “ṱulutshela.”