Yoele 3:1-21
3 “Nga eneo maḓuvha na nga tshenetsho tshifhinga,Musi ndi tshi vhuisa mathubwa a Yuda na a Yerusalema,+
2 Ndi ḓo dovha nda kuvhanganya tshaka dzoṱheNda dzi ḓisa Govhani ḽa Yehoshafati.*
Ndi ḓo dzi haṱula henefho+Ndi tshi itela Vhaisiraele vhane vha vha ifa ḽanga,Ngauri vho vha balanganyela kha dzitshaka,Vha kovhekana shango ḽanga.+
3 Ngauri vho ita madeṅwa uri vha kovhekane vhathu vhanga;+Vho vha vha tshi renga muthu ane a rengisa muvhili nga mutukanaVha renga waini nga musidzana.
4 Zwiṅwe hafhu, ndi ngani ni tshi khou lwa na nṋe,Inwi Tiro na inwi Sidoni na madzingu oṱhe a Filisita?
Kani ni khou lingedza u nndifhedza?
Arali ni tshi khou nndifhedza,Nṋe ndi ḓo ṱavhanya nda ni lifhedza.+
5 Ngauri no dzhia siḽiva yanga na musuku wanga,+Na isa madzanga anga thembeleni dzaṋu;
6 Vhathu vha Yuda na vha Yerusalema no vha rengisela Vhagerika,+Ni tshi itela u vha bvisa shangoni ḽavho;
7 Ndi khou vha vhuisa vha tshi bva fhethu he na vha rengisela hone,+Inwi nda ni lifhedza zwe na ita.
8 Vharwa na vhananyana vhaṋu ndi ḓo vha rengisela vhathu vha Yuda,+Vhone vha vha rengisela vhanna vha Sheba, lushaka lu re kule-kule;Ngauri ndi Yehova we a zwi amba.
9 Ḓivhadzani dzitshaka ni ri:+
‘Ḓilugiseleleni u lwa! Vusani vhanna vha maanḓa!
Maswole oṱhe nga a sendele a ṱhasele!+
10 Madzembe aṋu ni a ite mabanga na makhavha aṋu ni a ite mapfumo.
A si na nungo a ri: “Ndi na maanḓa.”
11 Inwi tshaka dzoṱhe dzi re tsini, kuvhanganani ni ḓe ni thuse!’”+
Iwe Yehova, isa vhathu vhau vha re na maanḓa* henefho fhethu.
12 “Tshaka nga dzi kuvhangane dzi ḓe Govhani ḽa Yehoshafati;Ngauri ndi ḓo haṱula tshaka dzoṱhe dzi re tsini ndo dzula henefho.+
13 Kaṋani nga segere, ngauri tshifhinga tsha khaṋo tsho swika.
Nḓirivhe dzo ḓala fhethu hune dza sukiwa hone, iḓani ni dzi kandekanye.+
Nkho dzi khou tevhuwa, ngauri vhuvhi ha dzitshaka ho ḓala.
14 Magogo a govhani ḽa khaṱhulo,Ngauri ḓuvha ḽa Yehova ḽi tsini ngei govhani ḽa khaṱhulo.+
15 Ḓuvha na ṅwedzi zwi ḓo swifhala,Na ṋaledzi a dzi tsha ḓo penya.
16 Yehova u ḓo vhomba e Tsioni,U ḓo huwelela e Yerusalema.
Ḽiṱaḓulu na ḽifhasi zwi ḓo dzinginyea;Fhedzi Yehova u ḓo tsireledza vhathu vhawe,+A vha dzhavhelo ḽa vhathu vha Isiraele.
17 Ndi hone ni tshi ḓo ḓivha uri nṋe Yehova ndi Mudzimu waṋu, ndi dzula Tsioni thavhani yanga khethwa.+
Yerusalema hu ḓo vha fhethu hukhethwa,+A hu tshee na vhatsinda vhane vha ḓo fhira ngaho.+
18 Nga ḽeneḽo ḓuvha thavha dzi ḓo rotha waini i ḓifhaho,+Zwikwara zwi ḓo elela mafhi,Milambo yoṱhe ya Yuda i ḓo elela maḓi.
Nḓuni ya Yehova hu ḓo elela tshisima,+Tshine tsha ḓo sheledza Govha* ḽa Miri ya Muunga.
19 Fhedzi Egipita ḽi ḓo vha shubi,+Edomo ḽi ḓo vha soga,+Nga nṱhani ha khakhathi dzo itelwaho vhathu vha Yuda,+Kha shango ḽe vha shululela khaḽo malofha a si na mulandu.+
20 Fhedzi Yuda hu ḓo dzula hu na vhathu,Na Yerusalema hu ḓo dzula hu na vhathu lwa mirafho na mirafho.+
21 Vhathu* vhe nda vha vhona mulandu a thi tsha ḓo vha vhona mulandu;+Yehova ene u ḓo dzula Tsioni.”+
Ṱhaluso dzi re magumoni a siaṱari
^ Zwine zwa amba uri “Yehova Ndi Muhaṱuli.”
^ Kana “vhahali vhau.”
^ Kana “Muedzi.”
^ Thevhedz., “Malofha.”
