Yona 2:1-10
2 Yona a rabela Yehova Mudzimu wawe e thumbuni ya khovhe,+
2 a ri:
“Ndo vhidzelela Yehova ngauri ndo vha ndi tshi khou tambula, a mphindula.+
Ndo humbela thuso ndi fhasi-fhasi Vhiḓani.*+
Wa pfa ipfi ḽanga.
3 Musi u tshi mposa vhukati-kati ha lwanzhe,
Ndo tangiwa nga maḓi.+
Nda kumbiwa nga magabelo au a re na maanḓa.+
4 Nda ri, ‘Ndo iswa kule na maṱo au!
Ndi ḓo dovha nda sedza hani thembele yau khethwa?’
5 Maḓi o ntanga a vhea vhutshilo hanga khomboni;+
Mativha a ntiba.
Ṱhoho yanga ya tandiwa nga tsheṋe ya lwanzheni.
6 Ndo ṋupela nda swika hune thavha dza thoma hone.
Khoro dza vhiḓa dzo vha dzi tshi khou mvalela lwa tshoṱhe.
Fhedzi wa ntshidza ndi dindini, Iwe Yehova Mudzimu wanga.+
7 Ndi Yehova we nda mu humbula musi ndi tshi khou welela.+
A pfa thabelo yanga e thembeleni yawe khethwa.+
8 Vhane vha ḓikumedzela kha midzimu ya zwifanyiso i sa vhuyedzi tshithu, vha laṱa ane a vha sumbedza lufuno lu sa shanduki.
9 Fhedzi nṋe ndi ḓo u renda na u u ṋekedza tshiṱhavhelo.
Ndi ḓo ita zwe nda u anela.+
U tshidza hu bva ha Yehova.”+
10 Nga murahu, Yehova a vhudza khovhe uri i ṱanzele Yona khunzi-khunzini.
Ṱhaluso dzi re magumoni a siaṱari
^ Kana “Sheol.” Sedzani Mutevhe Wa Ṱhalutshedzo Ya Maipfi.
