Yona 3:1-10
3 Yehova a dovha a amba na Yona, a ri:+
2 “Takuwa u ye muḓini muhulu wa Ninive,+ u u ḓivhadze mulaedza une nda u vhudza.”
3 A tshi thetshelesa zwe Yehova a amba,+ Yona a takuwa a ya Ninive.+ Muḓi wa Ninive wone wo vha u muhulu,* zwo vha zwi tshi dzhia maḓuvha mararu u tshimbila khawo woṱhe.
4 Yona a dzhena muḓini wa Ninive, a tshimbila lwendo lwa ḓuvha ḽithihi a tshi khou ḓivhadza, a tshi ri: “Ho sala maḓuvha a 40 uri muḓi wa Ninive u fheliswe.”
5 Vhathu vha Ninive vha tshi tou pfa zwenezwo, vha vha na lutendo kha Mudzimu,+ vha ḓivhadza uri vhathu vhoṱhe u bva kha muṱuku u swika kha muhulwane, vha ḓidzime zwiḽiwa na u ambara madzanganda.
6 Musi mulaedza u tshi swika kha khosi ya Ninive, yo takuwa kha khuluṋoni yayo, ya bvula zwiambaro zwavhuḓi ya ambara madzanganda, ya dzula miḽorani.
7 Zwiṅwe hafhu, ya ita uri zwi ḓivhadzwe kha ḽoṱhe ḽa Ninive uri,
“Mulayo wa khosi na vhaḓivhalea vhayo u ri: Hu songo ḽiwa naho tshi tshini nga muthu kana tshivhanda, kholomo kana nngu. Hu songo ḽiwa kana u nwiwa maḓi.
8 Kha hu ambariwe madzanganda nga muthu na tshivhanda; hu vhidzelelwe Mudzimu zwi tshi bva mbiluni, hu songo tsha itiwa na vhuvhi na khakhathi.
9 Hu ḓivha nnyi arali Mudzimu wa ngoho a tshi ḓo shandula muhumbulo wawe nga ha zwine a ṱoḓa u zwi ita, a si tsha ri sinyutshela, ri si tsha fheliswa?”
10 Musi Mudzimu wa ngoho a tshi vhona zwe vha ita, nḓila ye vha laṱa ngayo mishumo yavho mivhi,+ a shandula muhumbulo wawe nga ha maṱungu e a vha o amba uri u ḓo vha ḓisela one, a si tsha a ḓisa.+
Ṱhaluso dzi re magumoni a siaṱari
^ Thevhedz., “muḓi muhulu maṱoni a Mudzimu.”