Yoshua 12:1-24
12 Mahosi a mashango e Vhaisiraele vha a kunda, e mashango ao a vha e vhubvaḓuvha ha Mulambo wa Yorodane, u bva Govhani ḽa Arinoni*+ u gonyela nṱha Thavhani ya Herimoni+ na miḓi yoṱhe ya Araba i re thungo ya vhubvaḓuvha+ ndi haya:
2 Sihoni+ khosi ya Vhaamori, we a vha a tshi dzula Hesiboni a tshi vhusa u bva muḓini wa Aroere,+ we wa vha u philiphilini ya Govha ḽa Arinoni,*+ u bva vhukati ha govha, na hafu ya Giḽiada u swika Govhani* ḽa Yaboko, ḽine ḽa vha mukano wa Vhaamoni.
3 O dovha a vhusa na Araba u swika Lwanzheni lwa Kinerothe*+ thungo ya vhubvaḓuvha na u swika Lwanzheni lwa Araba lune lwa vha Lwanzhe lwa Muṋo,* u ya vhubvaḓuvha thungo ya Bethe-yesimothe, na thungo ya tshipembe nga fhasi ha zwikwara zwa miedzi ya Pisiga.+
4 Vha dovha vha kunda na shango ḽa Ogo+ khosi ya Bashani, we a vha o sala kha Vharefaimi,+ we a vha a tshi dzula ngei Asitarote na ngei Ederei
5 we a vha a tshi vhusa Thavhani dza Herimoni, ngei Salika na oṱhe a Bashani+ u swika mukanoni wa Vhageshuri na Vhamaakate+ na hafu ya Giḽiada, u ya mukanoni wa Sihoni khosi ya Hesiboni.+
6 Eneo mahosi o kundwa nga Mushe mushumeli wa Yehova na Vhaisiraele,+ Mushe mushumeli wa Yehova a a ṋea Vharubeni, Vhagada na hafu ya lushaka lwa Manase.+
7 Enea ndi mahosi a mashango e Yoshua na Vhaisiraele vha a kunda thungo ya vhukovhela ha Mulambo wa Yorodane, u bva Baali-gada+ Govhani ḽa Libanoni+ na u swika Thavhani ya Halaki,+ ine ya gonya ya swika Seiri,+ Yoshua a ḽi ṋea tshaka dza Isiraele uri ḽi vhe mukovhe wavho,+
8 ngei dzinguni ḽa dzithavhani, ngei Shefela, ngei Araba, zwikwarani, ngei sogani na ngei Negebe,+ ane a vha mashango a Vhahethe, Vhaamori,+ Vhakanana, Vhapheresi, Vhahevi na Vhayebusi:+
9 Khosi ya Yeriko;+ khosi ya Ai,+ he ha vha hu tsini na Bethele;
10 khosi ya Yerusalema; khosi ya Heburoni;+
11 khosi ya Yaramuthu; khosi ya Laxisi;
12 khosi ya Egiloni; khosi ya Gesere;+
13 khosi ya Dibiri;+ khosi ya Gedere;
14 khosi ya Horoma; khosi ya Arada;
15 khosi ya Libina;+ khosi ya Adulamu;
16 khosi ya Makeda;+ khosi ya Bethele;+
17 khosi ya Thapua; khosi ya Hefere;
18 khosi ya Afeke; khosi ya Lasharoni;
19 khosi ya Madoni; khosi ya Hatsoro;+
20 khosi ya Shimironi-meroni; khosi ya Axasafa;
21 khosi ya Thaanake; khosi ya Megido;
22 khosi ya Kedese; khosi ya Yokoneamu+ ngei Karamele;
23 khosi ya Doro miedzini ya Doro;+ khosi ya Goyimi ngei Giligala;
24 khosi ya Thiritsa; oṱhe ndi mahosi a 31.
Ṱhaluso dzi re magumoni a siaṱari
^ Kana “Muedzini wa Arinoni.”
^ Kana “Muedzi wa Arinoni.”
^ Kana “Muedzini.”
^ Ndi Lwanzhe lwo Faho.
^ Ndi dzivha ḽa Genesareta kana Lwanzhe lwa Galilea.