Yoshua 13:1-33
13 Yoshua o vha o no kalaha, e tsini na u fa.+ Yehova a amba nae a ri: “Wo kalaha, wo no vha tsini na u fa, fhedzi hu kha ḓi vha na shango ḽihulu ḽine a u athu u ḽi dzhia.
2 Shango ḽo salaho ndi heḽi:+ madzingu oṱhe a Vhafilisita na a Vhageshuri+
3 (u bva kha mulambwana wa Nili* une wa vha vhubvaḓuvha ha Egipita u swika mukanoni wa Ekironi wa devhula, he ha vha hu tshi dzhiiwa hu shango ḽa Vhakanana)+ u katela na ḽa marena maṱanu a Vhafilisita,+ Vhagaza, Vhaasidodo,+ Vhaasikaloni,+ Vhagathi,+ Vhaekironi;+ na ḽa Vhaavimi+
4 thungo ya tshipembe; na shango ḽoṱhe ḽa Vhakanana; na Meara, une wa vha wa Vhasidoni,+ u swika Afeke, u swika mukanoni wa Vhaamori;
5 na shango ḽa Vhagibali+ na ḽoṱhe ḽa Libanoni u ya vhubvaḓuvha, u bva Baali-gada fhasi ha Thavha ya Herimoni u swika Lebo-hamathi;*+
6 vhadzulapo vhoṱhe vha dzinguni ḽa dzithavhani u bva Libanoni+ u swika Misirefote-mayimi;+ na Vhasidoni+ vhoṱhe. Ndi ḓo vha pandela phanḓa ha Vhaisiraele.+ U ḽi kovhele Vhaisiraele sa ifa, sa zwe nda u laya.+
7 Zwino u kovhe ḽeneḽi shango sa ifa ḽa tshaka dza ṱahe na hafu ya lushaka lwa Manase.”+
8 Iṅwe hafu ya lushaka, Vharubeni na Vhagada vho dzhia ifa ḽavho ḽe Mushe a vha ṋea ḽone thungo ya vhubvaḓuvha ha Mulambo wa Yorodane, samusi Mushe mushumeli wa Yehova o vha ṋea:+
9 u bva Aroere,+ une wa vha philiphilini ya Govha ḽa Arinoni,*+ na muḓi une wa vha vhukati ha govha na mudavhi woṱhe wa Medeba u swika Diboni;
10 na miḓi yoṱhe ya Sihoni khosi ya Vhaamori, we a vha a tshi vhusa Hesiboni, u swika mukanoni wa Vhaamoni;+
11 na Giḽiada na shango ḽa Vhageshuri na Vhamaakate+ na Thavha yoṱhe ya Herimoni na ḽoṱhe ḽa Bashani+ u swika Salika;+
12 na muvhuso woṱhe wa Ogo ngei Bashani, we a vha a tshi vhusa Asitarote na ngei Ederei. (O vha e ene o salaho kha Vharefaimi.)+ Mushe o vha kunda a vha pandela.+
13 Fhedzi Vhaisiraele a vho ngo pandela*+ Vhageshuri na Vhamaakate ngauri Vhageshuri na Vhamaakate vha kha ḓi dzula na Vhaisiraele u swika zwino.
14 Ndi lushaka lwa Vhalevi fhedzi lwe a si lu ṋee ifa.+ Zwifhiwa zwi fhiselwaho Yehova Mudzimu wa Isiraele ndi zwone ifa ḽavho,+ samusi o vha fhulufhedzisa.+
15 Nga murahu Mushe a ṋea lushaka lwa Vharubeni ifa u ya nga miṱa yavho,
16 shango ḽavho ḽo vha ḽi tshi bva Aroere, hune ha vha philiphilini ya Govha ḽa Arinoni,* na muḓi u re vhukati ha govha, na mudavhi woṱhe wa Medeba;
17 na ḽa Hesiboni na miḓanani+ yaḽo yoṱhe ya mudavhini, Diboni, Bamothi-baali, Bethe-baali-meoni,+
18 Yahazi,+ Kedemothe,+ Miphate,+
19 Kirethaimi, Sibima,+ na Tserethe-sahara thavhani ya govhani,
20 Bethe-peoro, miedzi ya Pisiga,+ Bethe-yesimothe,+
21 miḓi yoṱhe ya mudavhi na mivhuso yoṱhe ya Sihoni khosi ya Vhaamori, we a vha a tshi vhusa Hesiboni.+ Mushe o mu kunda+ a kunda na vharangaphanḓa vha Midiani, Evi, Rekemu, Tsuri, Huri, Reba+ na vhakololo vha Sihoni, vha dzulaho kha ḽeneḽo shango.
22 Bileamu+ murwa wa Beoro, wa mungome,+ o vha e muṅwe wa vhe vha vhulawa nga Vhaisiraele nga banga khathihi na vhaṅwe vhoṱhe vhe vha vhulawa.
23 Mukano wa Vharubeni wo vha u tshi guma nga Mulambo wa Yorodane; ḽeneḽo shango ḽo vha ḽi ifa ḽa Vharubeni u ya nga miṱa yavho, miḓi yavho na miḓana yavho.
24 Zwiṅwe hafhu, Mushe a ṋea lushaka lwa Gada ifa, Vhagada u ya nga miṱa yavho,
25 shango ḽavho ḽo vha ḽi tshi katela Yasere+ na miḓi yoṱhe ya Giḽiada na hafu ya shango ḽa Vhaamoni+ u swika Aroere, ho livhanaho na Raba;+
26 na u bva Hesiboni+ u swika Ramathe-mitsepa na Bethonima, na u bva Mahanaimi+ u swika mukanoni wa Dibiri;
27 na govhani ḽa Bethe-harani, Bethe-nimira,+ Sukothe,+ Tsafoni, na muvhuso woṱhe wa Sihoni Khosi ya Hesiboni;+ shango ḽavho ḽo vha ḽi thungo yoṱhe ya vhubvaḓuvha ha Mulambo wa Yorodane u swika Lwanzheni lwa Kinerothe.*+
28 Ndi ḽone ifa ḽa Vhagada u ya nga miṱa yavho, miḓi yavho na miḓana yavho.
29 Zwiṅwe hafhu, Mushe o ṋea hafu ya lushaka lwa Manase ifa u ya nga miṱa yalwo.+
30 Shango ḽalwo ḽo vha ḽi tshi bva Mahanaimi+ ḽa katela na ḽoṱhe ḽa Bashani, muvhuso woṱhe wa Ogo khosi ya Bashani, na miḓi yoṱhe ya madennde a Yairi+ e a vha e Bashani, yeneyo yo vha i miḓana ya 60.
31 Hafu ya muḓi wa Giḽiada, Asitarote, Ederei,+ miḓi ya muvhuso wa Ogo ngei Bashani, ya ṋewa vharwa vha Maxiri murwa wa Manase, ha ṋewa hafu ya vharwa vha Maxiri+ u ya nga miṱa yavho.
32 Heḽi ndi ifa ḽe Mushe a vha ṋea midavhini ya sogani ḽa Moaba vhubvaḓuvha ha Mulambo wa Yorodane ngei Yeriko.+
33 Fhedzi Mushe a si ṋee lushaka lwa Vhalevi ifa.+ Yehova Mudzimu wa Isiraele ndi ene ifa ḽavho, samusi o vha fhulufhedzisa.+
Ṱhaluso dzi re magumoni a siaṱari
^ Kana “u bva Shihoro.”
^ Kana “khoroni ya Hamathi.”
^ Kana “Muedzi wa Arinoni.”
^ Kana “dzhiela.”
^ Kana “Muedzi wa Arinoni.”
^ Ndi dzivha ḽa Genesareta kana Lwanzhe lwa Galilea.
