Yoshua 15:1-63
15 Shango ḽe ḽa ṋewa*+ lushaka lwa Yuda u ya nga miṱa yalwo ḽo vha ḽi tshi swika mukanoni wa Edomo,+ sogani ḽa Zini, u yela Negebe magumoni awo a tshipembe.
2 Mukano wavho wa tshipembe wo vha u tshi bva magumoni a Lwanzhe lwa Muṋo,*+ u bva khunzi-khunzini ya thungo ya tshipembe.
3 Wa swika thungo ya tshipembe nḓilani i gonyaho Akirabimi,+ wa fhirela Zini, wa kona u gonya u bva tshipembe u swika Kadese-baranea,+ wa fhirela Hetsironi, u swika Adara, wa pambutshela thungo ya Karaka.
4 Wa pfukela Atsimoni+ u swika Muedzini wa Egipita;+ wonoyo mukano wo vha u tshi guma Lwanzheni.* Wonoyo wo vha u wone mukano wa tshipembe.
5 Mukano wa vhubvaḓuvha wo vha u tshi bva Lwanzheni lwa Muṋo* wa gonyela Mulamboni wa Yorodane, mukano wa thungo ya devhula wo vha u khunzi-khunzini ya lwanzhe, magumoni a Yorodane.+
6 Mukano wo vha u tshi gonya Bethe-hogola+ wa pfuka thungo ya devhula ha Bethe-araba,+ mukano wa gonya wa swika tomboni ḽa Bohani+ murwa wa Rubeni.
7 Mukano wo vha u tshi gonya wa swika Dibiri Govhani ḽa Axoro+ wa pambutshela thungo ya devhula wa ya Giligala,+ hune ha vha phanḓa ha nḓila i gonyaho Adumimi, hune ha vha tshipembe ha muedzi, mukano wa pfukela maḓini a Enisemesi,+ wa guma Eni-rogele.+
8 Mukano wo vha u tshi gonya u swika Govhani ḽa Murwa wa Hinomi+ u yela Govhani ḽa Vhayebusi+ thungo ya tshipembe hune ha vha Yerusalema,+ mukano wa gonya nṱha ha thavha yo livhanaho na Govha ḽa Hinomi thungo ya vhukovhela, hune ha guma Govha ḽa Vharefaimi ḽi re thungo ya devhula.
9 Mukano wa bva nṱha ha thavha wa ya tshisimani tsha Nefuthoa,+ wa swika miḓini ya Thavhani ya Efuroni; wa swika Baala, hune ha vha Kiriate-yearimi.+
10 Wa pambuwa u bva vhukovhela ha Baala wa ya Thavhani ya Seiri wa pfukela muedzini wa Thavha ya Yearimi thungo ya devhula hune ha vha Kesaloni; wa tsela Bethe-semesi,+ wa pfukela Thimine.+
11 Wonoyo mukano wa swika muedzini wa Ekironi+ thungo ya devhula, wa swika Sikeroni wa pfukela Thavhani ya Baala wa swika Yabiniele, wo vha u tshi guma lwanzheni.
12 Mukano wa vhukovhela wo vha u Lwanzhe Luhulu*+ na khunzi-khunzi yalwo. Wo vha u mukano wa vhaḓuhulu vha Yuda u ya nga miṱa yavho nga thungo dzoṱhe.
13 Yoshua a ṋea Kalebe+ murwa wa Yefune mukovhe vhukati ha vhaḓuhulu vha Yuda sa zwe a laiwa nga Yehova, ngei Kiriate-ariba (Ariba o vha e khotsi a Enaki), hune ha vha Heburoni.+
14 Kalebe o pandela vharwa vhararu vha Enaki+ henefho vhane vha vha: Sheshai, Ahimani na Thalamai,+ vhaḓuhulu vha Enaki.
15 A ṱuwa henefho a ya a lwa na vhadzulapo vha Dibiri.+ (Dibiri ho vha hu tshi pfi Kiriate-sefere.)
16 Kalebe a ri: “Munna ane a ḓo vutshela Kiriate-sefere a u thuba, ndi ḓo mu ṋea Akisa ṅwananyana wanga uri a vhe mufumakadzi wawe.”
17 Nga zwenezwo, Othiniele+ murwa wa Kenasi+ a u thuba. Kenasi ndi murathu wa Kalebe. A mu ṋea ṅwananyana wawe Akisa uri a vhe mufumakadzi wawe.+
18 Musi Akisa a tshi khou ya hayani, a vhudza munna wawe uri a humbele tsimu kha khotsi awe. Akisa a tsa kha donngi* yawe. Kalebe a ri: “U khou ṱoḓa mini?”+
19 Akisa a ri: “Ndi khou humbela uri u mphaṱhutshedze, ngauri wo nṋea tshipiḓa tsha shango tshi re tshipembe;* nṋee hafhu Gulothe-mayima.”* Nga zwenezwo, a mu ṋea Gulothe thungo ya Nṱha na Gulothe thungo ya Fhasi.
20 Ifa ḽa lushaka lwa Yuda u ya nga miṱa yalwo ndi heḽi.
21 Miḓi ya magumoni ya lushaka lwa Yuda thungo ya mukano wa Edomo+ ngei tshipembe yo vha i: Kabatsiele, Edere, Yaguru,
22 Kina, Dimona, Adada,
23 Kedese, Hatsoro, Ithinani,
24 Zifi, Telemu, Bealothe,
25 Hatsoro-hadata, Kiriote-hetsironi, hune ha vha Hatsoro,
26 Amamu, Shema, Molada,+
27 Hasara-gada, Hesimoni, Bethe-pelete,+
28 Hasara-suali, Beresaba,+ Bisiothia,
29 Baala, Iyimi, Etsemu,
30 Elitholada, Khisili, Horoma,+
31 Zikilaga,+ Madamana, Sanisana,
32 Lebaote, Silima, Aini na Rimoni;+ yeneyo miḓi yoṱhe yo vha i 29, u katela na miḓana yayo.
33 Miḓi ya Shefela+ yo vha i Esitaoli, Tsora,+ Ashina,
34 Zanoa, Enganimi, Thapua, Enama,
35 Yaramuthu, Adulamu,+ Soko, Aseka,+
36 Sharaimi,+ Adithaimi, Gedera na Gederothaimi,* yo vha i miḓi ya 14 na miḓana yayo.
37 Tsenani, Hadasa, Migidala-gada,
38 Diliani, Mitsepa, Yokothiele,
39 Laxisi,+ Bosokati, Egiloni,
40 Kaboni, Lahemasi, Khithilisi,
41 Gederothe, Bethe-dagoni, Naama na Makeda,+ yo vha i miḓi ya 16 na miḓana yayo.
42 Libina,+ Ethere, Ashani,+
43 Yifitha, Ashina, Nesiba,
44 Keila, Akhatsibi na Maresha, yo vha i miḓi ya ṱahe na miḓana yayo.
45 Ekironi na miḓi ya nga tsini* na miḓana i re tsini;
46 u bva Ekironi thungo ya vhukovhela miḓi yoṱhe na miḓana yayo yo vha yo livhana na Asidodo.
47 Asidodo+ na miḓi ya nga tsini* na miḓana i re tsini; Gaza+ na miḓi ya nga tsini na miḓana i re tsini, u tsela Muedzini wa Egipita, Lwanzhe Luhulu,* na shango ḽa tsini na khunzi-khunzi.+
48 Miḓi ya dzinguni ḽa dzithavhani yo vha i Samiri, Yathiri,+ Soko,
49 Dana, Kiriate-sana, hune ha vha Dibiri,
50 Anabi, Esithemo,+ Anima,
51 Gosheni,+ Holoni na Gilo,+ yo vha i miḓi ya 11 na miḓana yayo.
52 Arabu, Duma, Eshane,
53 Yanumu, Bethe-thapua, Afeka,
54 Humuta, Kiriate-ariba, hune ha vha Heburoni+ na Tsioro, yo vha i miḓi ya ṱahe na miḓana yayo.
55 Maoni,+ Karamele, Zifi,+ Yuta,
56 Yeseriele, Yokodeamu, Zanoa,
57 Kene, Gibia na Thimine,+ yo vha i miḓi ya fumi na miḓana yayo.
58 Halahulu, Bethe-tsuri, Gedoro,
59 Maarathe, Bethe-anothe, Elithekoni, yo vha i miḓi ya rathi na miḓana yayo.
60 Kiriate-baali, hune ha vha Kiriate-yearimi+ na Raba, yo vha i miḓi mivhili na miḓana yayo.
61 Miḓi ya sogani yo vha i Bethe-araba,+ Midini, Sekaka,
62 Nibisani, Muḓi wa Muṋo na Engedi,+ yo vha i miḓi ya rathi na miḓana yayo.
63 Vhathu vha Yuda a vho ngo kona u pandela Vhayebusi+ vha dzulaho Yerusalema,+ nga nṱhani ha zwenezwo,+ Vhayebusi vha kha ḓi dzula na vhathu vha Yuda ngei Yerusalema u swika na ṋamusi.
Ṱhaluso dzi re magumoni a siaṱari
^ Kana “ṋewa nga madeṅwa.”
^ Ndi Lwanzhe lwo Faho.
^ Ndi Lwanzhe Luhulu lwa Meditherenieni.
^ Ndi Lwanzhe lwo Faho.
^ Ndi lwa Meditherenieni.
^ Kana khamusi, “a vhanda zwanḓa zwawe musi o ṋamela donngi.”
^ Kana “Negebe.”
^ Zwine zwa amba uri “Masambelo A Maḓi.”
^ Kana khamusi, “Gedera na madanga awo a nngu.”
^ Kana “yo u tangaho.”
^ Kana “yo u tangaho.”
^ Ndi lwa Meditherenieni.
