Yoshua 16:1-10
16 Vhaḓuhulu vha Yosefa+ vho ṋewa+ shango sa ifa u bva Mulamboni wa Yorodane ngei Yeriko u ya zwisimani zwa vhubvaḓuvha ha Yeriko, u yela sogani ḽi gonyaho Yeriko u swika dzinguni ḽa thavhani dzi re tsini na Bethele.+
2 Ḽo vha ḽi tshi bva Bethele hune ha vha tsini na Lusi ḽa pfukela mukanoni wa Vhaarakiti ngei Atharothe,
3 ḽa tsela vhukovhela mukanoni wa Vhayafuleti u swika mukanoni wa Bethe-horoni+ wa Fhasi na Gesere,+ ḽa guma nga lwanzhe.
4 Vhana vha Yosefa,+ Manase na Efuraimi, vha dzhia ḽeneḽo shango ḽa vha ḽavho.+
5 Mukano wa vhana vha Efuraimi na miṱa yavho ndi hoyu: Mukano wa ifa ḽavho thungo ya vhubvaḓuvha wo vha u Atharothe-adara,+ u swika Bethe-horoni+ wa Nṱha,
6 mukano wo vha u tshi swika lwanzheni. Mikimatate+ wo vha u thungo ya devhula, mukano wo vha u tshi mona wa ya thungo ya vhubvaḓuvha wa ya Thaanate-silo, wa pfukela vhubvaḓuvha wa ya Yanoha.
7 Wa tsa u tshi bva Yanoha wa ya Atharothe na Naara wa swika Yeriko+ wa pfukela Mulamboni wa Yorodane.
8 Mukano wo vha u tshi bva Thapua+ wa livha vhukovhela u swika Muedzini wa Kana, wa guma lwanzheni.+ Heḽi ndi ifa ḽa lushaka lwa Efuraimi u ya nga miṱa yalwo;
9 vhana vha Efuraimi vho vha vhe na miḓi ye vha vha vho vhetshelwa yone thungo kha ifa ḽa vha Manase,+ miḓi yoṱhe na miḓana yayo.
10 Fhedzi a vho ngo pandela Vhakanana vha dzulaho Gesere,+ Vhakanana vho bvela phanḓa vha tshi dzula vhukati ha Vhaefuraimi u swika na ṋamusi,+ vha vha shumisa sa dziphuli.+
