Yoshua 18:1-28
18 Tshitshavha tshoṱhe tsha Vhaisiraele tsho vha tsho kuvhangana ngei Shiḽo,+ tsho atha dennde ḽa muṱangano henefho,+ samusi tsho vha tsho no thuba shango.+
2 Fhedzi ho vha hu tshi kha ḓi vha na tshaka dza sumbe kha ḽa Isiraele dze dza vha dzi sa athu u wana ifa.
3 Ngauralo, Yoshua a amba na Vhaisiraele a ri: “Ni khou lengela mini u dzhia shango ḽe na ṋewa nga Yehova Mudzimu wa vhomakhulukuku waṋu?+
4 Nṋeeni vhanna vhararu vha bvaho kha lushaka luṅwe na luṅwe; vha ye u tandula shango ḽeneḽo, vha ole mapa waḽo u ya nga ifa ḽavho. Vho no fhedza vha vhuye kha nṋe.
5 Vha fanela u kovhekana ḽeneḽo shango uri ḽi bve zwipiḓa zwa sumbe.+ Yuda u ḓo dzula shangoni ḽawe ḽi re tshipembe,+ vhana vha Yosefa vha ḓo dzula shangoni ḽavho thungo ya devhula.+
6 U ole mapa, u kovhekanye ḽeneḽo shango uri ḽi bve zwipiḓa zwa sumbe, u u ḓise kha nṋe, ndi ḓo u itela madeṅwa+ phanḓa ha Yehova Mudzimu washu.
7 Fhedzi Vhalevi a vha na mukovhe vhukati haṋu,+ ngauri mushumo wa u vha vhotshifhe vha Yehova ndi wone ifa ḽavho;+ Gada, Rubeni na hafu ya lushaka lwa Manase+ vho no dzhia ifa ḽavho seli ha Mulambo wa Yorodane, ḽe Mushe mushumeli wa Yehova a vha ṋea ḽone.”
8 Vhenevho vhanna vha ḓilugiselela u ṱuwa, Yoshua a laya vhane vha ḓo ola mapa wa shango a ri: “Iyani ni tandule shango ni ole mapa waḽo, ni vhuye kha nṋe, ndi ḓo ni itela madeṅwa henefha Shiḽo phanḓa ha Yehova.”+
9 Vhenevho vhanna vha ya vha tandula shango, vha ola shango u ya nga miḓi yaḽo, vha i kovhekanya ya bva zwipiḓa zwa sumbe, vha zwi ṅwala buguni. Nga murahu ha zwenezwo vha humela ha Yoshua madenndeni a Shiḽo.
10 Yoshua a vha itela madeṅwa ngei Shiḽo phanḓa ha Yehova.+ Henefho Yoshua a kovhekanyela Vhaisiraele shango u ya nga mikovhe yavho.+
11 Ha mvaṱiwa lushaka lwa Benyamini u ya nga miṱa yalwo, shango ḽe vha ḽi wana ho itwa madeṅwa ḽo vha ḽi vhukati ha vhathu vha Yuda+ na vhathu vha Yosefa.+
12 Mukano wavho wa thungo ya devhula wo vha u tshi thoma Mulamboni wa Yorodane, wa gonyela tshikwarani tsha Yeriko+ thungo ya devhula, wa gonyela thavhani ya vhukovhela, wa swika sogani ḽa Bethavena.+
13 Wonoyo mukano wa bva henefho wa ya Lusi, thungo ya tshipembe ya tshikwara tsha Lusi, hune ha vha Bethele;+ wonoyo mukano wa tsela Atharothe-adara+ thavhani ine ya vha tshipembe Bethe-horoni+ wa Fhasi.
14 Mukano wa olwa thungo ya vhukovhela wa monela thungo ya tshipembe u bva thavhani yo livhanaho na tshipembe ha Bethe-horoni; wa swika Kiriate-baali, hune ha vha Kiriate-yearimi,+ muḓi wa Yuda. Heyi ndi yone mikano ya thungo ya vhukovhela.
15 Mukano wa thungo ya tshipembe wo vha u tshi guma Kiriate-yearimi, wonoyo mukano wo vha u tshi swika na thungo ya vhukovhela; wa swika na tshisimani tsha Nefuthoa.+
16 Mukano wo vha u tshi guma thavhani yo livhanaho na Govhani ḽa Murwa wa Hinomi,+ ḽi re thungo ya devhula ha Govha ḽa Vharefaimi,+ wa tsela Govhani ḽa Hinomi, wa ya tshipembe ha tshikwara tsha Vhayebusi+ wa tsela Eni-rogele.+
17 Wo vha u tshi bva thungo ya devhula wa swika Enisemesi wa fhira Gelilothe, ho livhanaho na Adumimi;+ wa tsela tomboni+ ḽa Bohani+ murwa wa Rubeni.
18 Wa fhirela tshikwarani tsha devhula tsho livhanaho na Araba wa tsela Araba.
19 Mukano wonoyo wa ya thungo ya devhula ya tshikwara tsha Bethe-hogola,+ wa guma thungo ya devhula ha khunzi-khunzi ya Lwanzhe lwa Muṋo*+ thungo ya tshipembe magumoni a Mulambo wa Yorodane. Hoyo wo vha u mukano wa tshipembe.
20 Mulambo wa Yorodane wo vha u wone mukano nga thungo ya vhubvaḓuvha. Heḽi ḽo vha ḽi ifa ḽa vhaḓuhulu vha Benyamini u ya nga miṱa yavho, zwi tshi ya nga mikano yayo thungo dzoṱhe.
21 Miḓi ya lushaka lwa Vhabenyamini u ya nga miṱa yavho yo vha i ngei Yeriko, Bethe-hogola, Emeke-ketsitsi,
22 Bethe-araba,+ Tsemaraimi, Bethele,+
23 Avimi, Para, Ofura,
24 Kefara-amoni, Ofini na Geba,+ yo vha i miḓi ya 12 na miḓana yayo.
25 Gibeoni,+ Rama, Beerothe,
26 Mitsepa, Kefira, Moza,
27 Rekemu, Yiripiele, Tharala,
28 Tsela,+ Ha-elefe, Yebusi, hune ha vha Yerusalema,+ Gibia+ na Kiriate, yo vha i miḓi ya 14 na miḓana yayo.
Wonoyo wo vha u wone mukovhe wa vhaḓuhulu vha Benyamini u ya nga miṱa yavho.
Ṱhaluso dzi re magumoni a siaṱari
^ Ndi Lwanzhe lwo Faho.