Yoshua 21:1-45
21 Vharangaphanḓa vha miṱa ya vhokhotsi vha Vhalevi vha ḓa ha tshifhe Eliasara,+ Yoshua murwa wa Nunu na vharangaphanḓa vha miṱa ya vhokhotsi vha tshaka dza Vhaisiraele,
2 vha amba navho ngei Shiḽo+ shangoni ḽa Kanana vha ri: “Yehova o laya Mushe uri ri ṋewe miḓi ine ra nga dzula khayo, khathihi na mafulo a zwifuwo zwashu.”+
3 Vhaisiraele vho ṋea Vhalevi yeneyo miḓi+ na mafulo ayo zwi tshi bva kha ifa ḽavho+ sa zwe Yehova a laya.
4 Ha mvaṱiwa muṱa wa Vhakehati,+ Vhalevi vha re vhaḓuhulu vha tshifhe Aroni vha ṋewa nga madeṅwa miḓi ya 13 ya lushaka lwa Yuda,+ lushaka lwa Simioni+ na lushaka lwa Benyamini.+
5 Vhaṅwe Vhakehati vhoṱhe vha ṋewa* miḓi ya fumi ya miṱa ya lushaka lwa Efuraimi,+ lushaka lwa Dani na hafu ya lushaka lwa Manase.+
6 Vhagerisoni+ vho ṋewa miḓi ya 13 ya miṱa ya lushaka lwa Isashari, lushaka lwa Ashere, lushaka lwa Nafutali na hafu ya lushaka lwa Manase lwa ngei Bashani.+
7 Vhamerari+ u ya nga miṱa yavho vho ṋewa miḓi ya 12 i bvaho kha lushaka lwa Rubeni, lushaka lwa Gada na lushaka lwa Sebuloni.+
8 Ngauralo, Vhaisiraele vha ṋea Vhalevi yeneyi miḓi na mafulo ayo nga madeṅwa, sa zwe Yehova a laya Mushe.+
9 Vho vha ṋea yeneyo miḓi yo bulwaho nga dzina i tshi bva kha lushaka lwa Yuda na kha lushaka lwa Simioni,+
10 ya ṋewa vharwa vha Aroni vha miṱa ya Vhakehati vha Vhalevi, ngauri ndi vhone vhe vha mvaṱiwa u thoma.
11 Vho vha ṋea Kiriate-ariba+ (Ariba o vha e khotsi a Enaki), hune ha vha Heburoni,+ dzinguni ḽa thavhani dza Yuda na mafulo awo.
12 Fhedzi tsimu ya wonoyo muḓi na miḓana yawo vha zwi ṋea Kalebe murwa wa Yefune zwa vha ifa ḽawe.+
13 Vho ṋea vharwa vha tshifhe Aroni muḓi une muvhulayi a shavhela khawo,+ une wa vha Heburoni+ na mafulo awo, vha dovha vha vha ṋea na Libina+ na mafulo awo,
14 Yathiri+ na mafulo awo, Eshithemoa+ na mafulo awo,
15 Holoni+ na mafulo awo, Dibiri+ na mafulo awo,
16 Aini+ na mafulo awo, Yuta+ na mafulo awo na Bethe-semesi na mafulo awo, yo vha i miḓi ya ṱahe u bva kha dzenedzo tshaka mbili.
17 Kha lushaka lwa Benyamini vho ṋewa Gibeoni+ na mafulo awo, Geba na mafulo awo,+
18 Anathothe+ na mafulo awo na Alimoni na mafulo awo, yo vha i miḓi miṋa.
19 Miḓi yoṱhe ye ya ṋewa vhaḓuhulu vha tshifhe Aroni, yo vha i 13 na mafulo ayo.+
20 Vhaṅwe vhoṱhe vha miṱa ya Vhakehati vhukati ha Vhalevi vho ṋewa miḓi nga madeṅwa kha lushaka lwa Efuraimi.
21 Vha vha ṋea muḓi wa vhushavhelo une muvhulayi a shavhela khawo,+ une wa vha Shikeme+ na mafulo awo ane a vha dzinguni ḽa thavhani dza Efuraimi, Gesere+ na mafulo awo,
22 Kibitsaimi na mafulo awo na Bethe-horoni+ na mafulo awo, yo vha i miḓi miṋa.
23 Kha lushaka lwa Dani vho ṋewa Elitheke na mafulo awo, Gibethoni na mafulo awo,
24 Ayaloni+ na mafulo awo, Gathi-rimoni na mafulo awo, yo vha i miḓi miṋa.
25 Kha hafu ya lushaka lwa Manase vho ṋewa Thaanake+ na mafulo awo, Gathi-rimoni na mafulo awo, yo vha i miḓi mivhili.
26 Miḓi yoṱhe na mafulo ayo ye ya wanwa nga miṱa yoṱhe ya Vhakehati yo vha i ya fumi.
27 Vhagerisoni+ vha muṱa wa Vhalevi vho ṋewa muḓi une muvhulayi a shavhela khawo nga hafu ya lushaka lwa Manase, une wa vha Golani+ ngei Bashani na mafulo awo na Besitera na mafulo awo, yo vha i miḓi mivhili.
28 Kha lushaka lwa Isashari+ vho ṋewa Kisiyoni na mafulo awo, Deberathe+ na mafulo awo,
29 Yaramuthu na mafulo awo na Enganimi na mafulo awo, yo vha i miḓi miṋa.
30 Kha lushaka lwa Ashere+ vho ṋewa Mishala na mafulo awo, Abidoni na mafulo awo,
31 Helikathe+ na mafulo awo na Rehobo+ na mafulo awo, yo vha i miḓi miṋa.
32 Kha lushaka lwa Nafutali vho ṋewa muḓi une muvhulayi a shavhela khawo,+ une wa vha Kedese+ ngei Galilea na mafulo awo, Hemothe-doro na mafulo awo na Karithani na mafulo awo, yo vha i miḓi miraru.
33 Miḓi yoṱhe ya Vhagerisoni u ya nga miṱa yavho yo vha i 13 na mafulo ayo.
34 Vha miṱa ya Vhamerari,+ vhane vha vha vhaṅwe Vhalevi, kha lushaka lwa Sebuloni+ vho ṋewa Yokoneamu+ na mafulo awo, Karitha na mafulo awo,
35 Dimina na mafulo awo na Nahalala+ na mafulo awo, yo vha i miḓi miṋa.
36 Kha lushaka lwa Rubeni vho ṋewa Betsera+ na mafulo awo, Yahazi na mafulo awo,+
37 Kedemothe na mafulo awo na Miphate na mafulo awo, yo vha i miḓi miṋa.
38 Kha lushaka lwa Gada+ vho ṋewa muḓi une muvhulayi a shavhela khawo, une wa vha Ramothe ngei Giḽiada+ na mafulo awo, Mahanaimi+ na mafulo awo,
39 Hesiboni+ na mafulo awo na Yasere+ na mafulo awo, yo vha i miḓi miṋa.
40 Miḓi yoṱhe ye ya ṋewa Vhamerari nga madeṅwa u ya nga miṱa yavho, ye ya sala kha miṱa ya Vhalevi, yo vha i miḓi ya 12.
41 Miḓi yoṱhe ya Vhalevi i re vhukati ha ifa ḽa Vhaisiraele yo vha i 48 na mafulo ayo.+
42 Muḓi muṅwe na muṅwe wo vha u na mafulo awo u mona nawo, zwo vha zwo tou ralo kha yeneyo miḓi yoṱhe.
43 Yehova o ṋea Vhaisiraele shango ḽoṱhe ḽe a ana uri u ḓo ḽi ṋea vhomakhulukuku wavho,+ vho ḽi dzhia vha dzula khaḽo.+
44 Zwiṅwe hafhu, Yehova o vha ṋea mulalo thungo dzoṱhe, sa zwe a anela vhomakhulukuku wavho,+ a hu na na muthihi kha maswina avho oṱhe we a kona u lwa navho.+ Yehova o kumedzela maswina avho oṱhe zwanḓani zwavho.+
45 A hu na na tshithihi tshe tsha si itee kha zwithu zwoṱhe zwavhuḓi zwe Yehova a zwi fhulufhedzisa* Vhaisiraele, zwoṱhe zwo itea.+
