Yoshua 23:1-16
23 Musi ho no fhela maḓuvha manzhi Yehova o no ita uri maswina o vha tangaho a si tsha lwa navho,+ Yoshua o no kalaha, e tsini na u fa,+
2 Yoshua o vhidza Vhaisiraele vhoṱhe,+ vhahulwane vhavho, vharangaphanḓa vhavho, vhahaṱuli vhavho na vhaḓinḓa vhavho,+ a amba navho a ri: “Ndo no kalaha, ndi tsini na u fa.
3 No vhona zwoṱhe zwe Yehova Mudzimu waṋu a zwi ita kha dzenedzo tshaka a tshi itela inwi, ngauri Yehova Mudzimu waṋu o vha a tshi khou ni lwela.+
4 Ndo ni ṋea shango ḽa tshaka dzine dza kha ḓi vha hone nga madeṅwa+ uri ḽi vhe mukovhe wa tshaka dzaṋu,+ khathihi na ḽa tshaka dzoṱhe dze nda dzi fhelisa,+ u bva Mulamboni wa Yorodane u ya Lwanzheni Luhulu* u ya thungo ya vhukovhela.
5 Yehova Mudzimu waṋu ndi ene we a vha a tshi khou dzi pandela* phanḓa haṋu+ na dzhia shango ḽadzo, sa zwe Yehova Mudzimu waṋu a ni fhulufhedzisa.+
6 “Ni tea u vha na tshivhindi uri ni tevhedze zwoṱhe zwo ṅwaliwaho buguni ya Mulayo+ wa Mushe uri ni si pambutshele kha tsha u ḽa kana kha tsha monde,+
7 uri ni si ite vhukonani na dzenedzo tshaka dzo salaho vhukati haṋu.+ A no ngo tea u bula na madzina a midzimu ya dzenedzo tshaka+ kana u ana ngayo, ni songo vhuya na i shumela kana na i gwadamela.+
8 Fhedzi ni tea u fhulufhedzea kha Yehova Mudzimu waṋu,+ sa zwe na zwi ita u swika na ṋamusi.
9 Yehova u ḓo pandela tshaka khulu na dzi re na maanḓa phanḓa haṋu,+ a hu na muthu ane a ḓo kona u imedzana na inwi u swika na ṋamusi.+
10 Munna muthihi u ḓo pandamedza vha tshigidi+ ngauri Yehova Mudzimu waṋu u khou ni lwela,+ sa zwe a ni fhulufhedzisa.+
11 Ni ḓilinde+ uri ni dzule ni tshi funa Yehova Mudzimu waṋu.+
12 “Fhedzi arali na mu shandukela na tevhedza maitele a dzenedzi tshaka dzo salaho+ na vhingelana+ nadzo na konana nadzo, na dzone dza konana na inwi,
13 ni ḓivhe nga ngoho uri Yehova Mudzimu waṋu ha tsha ḓo bvela phanḓa a tshi pandela* dzenedzo tshaka;+ dzi ḓo vha tshikwekwe tsha u ni fasha, dza ni pfisa vhuṱungu sa ṱhamu ine ya ni rwa muṱana,+ sa mipfa ine ya ni ṱhavha maṱo, u swika ni tshi fhela shangoni ḽavhuḓi ḽe Yehova Mudzimu waṋu a ni ṋea ḽone.
14 “Ndi tsini na u fa, ni a zwi ḓivha zwavhuḓi nga mbilu yaṋu yoṱhe na nga zwoṱhe zwine na vha zwone uri a hu na na tshithu na tshithihi tshe tsha si itee kha zwithu zwoṱhe zwavhuḓi zwe Yehova Mudzimu waṋu a zwi fhulufhedzisa. Zwoṱhe zwo itea. A hu na na tshithu na tshithihi tshe tsha si itee.+
15 Samusi zwithu zwoṱhe zwavhuḓi zwe Yehova Mudzimu waṋu a ni fhulufhedzisa zwone zwo itea,+ Yehova u ḓo ni ḓisela khombo dzoṱhe dze a dzi fhulufhedzisa, a ni fhelisa kha ḽeneḽi shango ḽavhuḓi ḽe Yehova Mudzimu waṋu a ni ṋea ḽone.+
16 Arali na pfuka mulanga wa Yehova Mudzimu waṋu we a ni laya uri ni u tevhedze na ya na shumela miṅwe midzimu na i gwadamela, Yehova u ḓo ni sinyutshela,+ ni ḓo fheliswa nga u ṱavhanya kha shango ḽavhuḓi ḽe a ni ṋea ḽone.”+