Zwililo 2:1-22
א [Aleph]
2 Yehova o fukedza ṅwananyana wa Tsioni nga gole ḽa mbiti dzawe!
O laṱela lunako lwa Isiraele kha ḽifhasi lu tshi bva ṱaḓulu.+
Nga ḓuvha ḽa mbiti dzawe ho ngo humbula fhethu hune a kanda hone.+
ב [Beth]
2 Yehova o mila hoṱhe hune Yakobo a dzula hone a sa pfeli vhuṱungu.
O kwashekanya fhethu ho tsireledzwaho ha ṅwananyana wa Yuda o sinyuwa.+
Muvhuso wawe na vhakololo vhawe o zwi tsitsela fhasi na u zwi nyadzisa.+
ג [Gimel]
3 O fhelisa nungo* dzoṱhe dza Isiraele o sinyuwa.
O bvisa tshanḓa tshawe tsha u ḽa musi swina ḽi tshi ḓa,+O dzula a tshi dugela Yakobo sa mulilo une wa fhisa tshiṅwe na tshiṅwe tshi re tsini.+
ד [Daleth]
4 O akha vhura hawe sa swina; o ita uri tshanḓa tshawe tsha u ḽa tshi lugele u ṱhasela sa mutovholi;+O dzula a tshi vhulaya vhoṱhe vhane vha takalelwa.+
O shulula mbiti dzawe sa mulilo+ kha dennde ḽa ṅwananyana wa Tsioni.+
ה [He]
5 Yehova u vho nga swina;+O mila Isiraele.
O mila mitsheṱo yawe yoṱhe;O fhelisa fhethu hawe hoṱhe ho tsireledzeaho.
O ita uri ṅwananyana wa Yuda a ṱungufhale na u lila zwihulu.
ו [Waw]
6 O fuḓekanya mushasha wawe+ u fana na thumba i re tsimuni.
O fhelisa vhuṱambo hawe.+
Yehova o ita uri vhuṱambo na savhatha zwi hangwiwe ngei Tsioni,Musi o sinyuwa ha na ndavha na khosi na tshifhe.+
ז [Zayin]
7 Yehova o laṱa aḽeṱare yawe;O laṱa nnḓu yawe khethwa.+
Mitsheṱo yawo yo khwaṱhaho o i kumedzela zwanḓani zwa swina.+
Vho ṱavha mukosi nḓuni ya Yehova,+ u fana na nga ḓuvha ḽa vhuṱambo.
ח [Heth]
8 Yehova o ḓiimisela u fhelisa luvhondo lwa ṅwananyana wa Tsioni.+
O kokodza thambo ya u kala.+
Ho ngo litsha u fhelisa nga tshanḓa tshawe.
O ita uri mutsheṱo na luvhondo zwi ṱungufhale.
O ita uri zwoṱhe zwi si khwaṱhe.
ט [Teth]
9 Khoro dzawe dzo mbombomela mavuni.+
O fhelisa na u vunḓa thanda dzawe.
Khosi yawe na vhakololo vhawe vha vhukati ha dzitshaka.+
A hu na mulayo;* na vhaporofita vhawe a vha wani bono ḽi bvaho kha Yehova.+
י [Yod]
10 Vhahulwane vha ṅwananyana wa Tsioni vho dzula fhasi vho fhumula.+
Vha ḓishela mavu kha ṱhoho dzavho na u ambara madzanganda.+
Vhasidzana* vha Yerusalema vho gwadama fhasi mavuni.
כ [Kaph]
11 Maṱo anga o neta nga u lila.+
Thumbu* yanga i khou luṅwa-luṅwa.
Tshivhindi tshanga tsho shuluwela mavuni, nga nṱhani ha u wa ha ṅwananyana wa* vhathu vhanga,+Ngauri vhana na dzitshetshe vha khou ṋoka khoroni dza miḓana.+
ל [Lamed]
12 Vha dzula vha tshi vhudzisa vhomme avho vha ri, “Zwiḽiwa na waini zwi ngafhi?”+
Musi vha tshi khou ṋoka u fana na muthu o huvhadzwaho khoroni dza muḓi,Musi vha tshi khou welela vhe zwanḓani zwa vhomme avho.
מ [Mem]
13 Ndi nga shumisa mini sa vhuṱanzi,Kana ndi nga u fanyisa na mini, Iwe ṅwananyana wa Yerusalema?
Ndi nga u vhambedza na mini, uri ndi u khuthadze, Iwe ṅwananyana wa Tsioni?
Ngauri u huvhala hau ndi huhulu hu fana na lwanzhe.+ Ndi nnyi ane a nga u fhodza?+
נ [Nun]
14 Mabono e vhaporofita vhau vha a vhona nga ha iwe ndi a mazwifhi, ha nga itei,+A vho ngo u sumbedza vhukhakhi hau uri u si iswe vhuthubwani,+Fhedzi vho bvela phanḓa vha tshi u vhudza mabono a mazwifhi na mafhungo a xedzaho.+
ס [Samekh]
15 Vhoṱhe vhane vha fhira henefho nḓilani vha a u goḓa vha vhanda zwanḓa.+
Vha lidza muludzi vho mangala+ na u dzungudzela ṱhoho ṅwananyana wa Yerusalema, vha ri:
“Naa uyu ndi wone muḓi we vha amba nga hawo vha ri, ‘Wo naka lwa u naka, ndi wone dakalo ḽa ḽifhasi ḽoṱhe’?”+
פ [Pe]
16 Maswina au oṱhe a khou u goḓa.
A lidza muludzi na u shengekanya maṋo a ri: “Ro mu mila.+
Heḽi ndi ḓuvha ḽe ra vha ro ḽi lindela!+ Ḽo swika, ro ḽi vhona!”+
ע [Ayin]
17 Yehova o ita zwe a vha a tshi ṱoḓa u zwi ita;+ o vuledza zwe a amba,+
Zwe a laya u bva kale.+
O fhelisa a sa pfeli vhuṱungu.+
O tendela swina ḽi tshi takalela zwe zwa u wela; o engedza nungo* dza maswina au.
צ [Tsade]
18 Mbilu dzavho dzi lilela Yehova, Iwe luvhondo lwa ṅwananyana wa Tsioni.
Miṱodzi nga i elele sa mulambo vhusiku na masiari.
U songo awela, maṱo au a songo awela.
ק [Qoph]
19 Takuwa! U lile vhukati ha vhusiku.
Shulula mbilu yau sa maḓi phanḓa ha Yehova.
Mu imisele zwanḓa u tshi itela vhutshilo ha vhana vhau,Vhane vha khou ṋoka nga nḓala mafhandeni a nḓila dzoṱhe.+
ר [Resh]
20 Lavhelesa Iwe Yehova, u vhone we wa mu pfisa vhuṱungu lu vhavhaho.
Naa vhafumakadzi vha fanela u bvela phanḓa vha tshi ḽa vhana vhavho vho vha bebaho,+Kana naa vhotshifhe na vhaporofita vha fanela u vhulawa nḓuni khethwa ya Yehova?+
ש [Shin]
21 Hu na zwitumbu zwa vhaṱhannga na vhakalaha dzinḓilani.+
Vhananyana* vhanga na vhaṱhannga vhanga vho vhulawa nga banga.+
Wo vha vhulaya nga ḓuvha ḽa mbiti dzau; wo vha vhulaya u sa pfeli vhuṱungu.+
ת [Taw]
22 Wo vha ḓisela zwi ofhisaho zwi tshi bva thungo dzoṱhe zwa tou nga ndi ḓuvha ḽa vhuṱambo.+
Nga ḓuvha ḽa mbiti dza Yehova, a hu na we a ponyoka kana u tshila;+Swina ḽanga ḽo fhelisa vhe nda vha beba na u vha alusa.+
Ṱhaluso dzi re magumoni a siaṱari
^ Thevhedz., “luṋanga.”
^ Kana “ndayo.”
^ Ḽiedzamuthu ḽa vhurendi, khamusi ḽi sumbedza u pfela vhuṱungu.
^ Thevhedz., “Mala.”
^ Thevhedz., “luṋanga.”
