Zwililo 4:1-22
א [Aleph]
4 Musuku we wa vha u tshi penya a u tsha penya, wone musuku vhukuma!+
Matombo makhethwa+ o balangana mafhandeni a nḓila dzoṱhe!+
ב [Beth]
2 Vharwa vha Tsioni vho vha vhe vha ndeme sa musuku wo kunakiswaho,Vha vho dzhiiwa sa mvuvhelo,Yo itwaho nga zwanḓa zwa muvhumbi!
ג [Gimel]
3 Na phunguwe dzi a ṋekedza ḓamu dza mamisa vhana vhadzo,
Fhedzi ṅwananyana wa vhathu vhanga u na tshiṱuhu+ u fana na mphwe sogani.+
ד [Daleth]
4 Lulimi lwa ṅwana a mamaho lu nambatela haṋwani hawe nga nṱhani ha u pfa ḓora.
Vhana vha humbela zwiḽiwa,*+ fhedzi a hu na ane a vha ṋea.+
ה [He]
5 Vhe vha vha vha tshi ḽa zwiḽiwa zwavhuḓi vha vho lala nḓilani nga nḓala.+
Vho aluswaho vha tshi ambara zwiambaro zwi ḓuraho*+ vha vho dzula miḽorani.
ו [Waw]
6 Nḓila ye ṅwananyana wa vhathu vhanga a pfiswa ngayo vhuṱungu i fhira nḓila ye Sodoma wa pfiswa ngayo vhuṱungu nga nṱhani ha zwivhi zwawo,+We wa fheliswa nga khathihi, hu si vhe na we a thusa.+
ז [Zayin]
7 Vhanazari+ vhawe vho vha vho kuna u fhira mahaḓa, vho tshena u fhira mafhi.
Vho vha vho tswuka u fhira khoraḽa; vha tshi nga tombo ḽa safire ḽo pholishiwaho.
ח [Heth]
8 Zwino vho no swifhala u fhira midziru;A vha tsha ḓivhiwa nḓilani.
Lukanda lwavho lwo no honyekana lune marambo avho a vhonala;+ vha vho nga thanda yo omaho.
ט [Teth]
9 Vho vhulawaho nga banga vha khwine u fhira vho vhulawaho nga nḓala,+Vhane vha fa, vha nga vho tou ṱhavhiwa nga nṱhani ha u sa vha na zwiḽiwa masimuni.
י [Yod]
10 Zwanḓa zwa vhafumakadzi vha pfelaho vhuṱungu zwo bika vhana vhavho.+
Vho no vha zwiḽiwa zwavho tshifhingani tsha u lilela u vunḓea ha ṅwananyana wa vhathu vhanga.+
כ [Kaph]
11 Yehova o sumbedza uri o sinyuwa;O shulula mbiti dzawe.+
O vhasa mulilo ngei Tsioni une wa fhisa mitheo yawo.+
ל [Lamed]
12 Mahosi a ḽifhasi na vhadzulapo vhoṱhe vha shango ḽo nonaho vho vha vha sa kholwiUri mutovholi na swina vha ḓo dzhena nga khoro dza Yerusalema.+
מ [Mem]
13 Ndi nga nṱhani ha zwivhi zwa vhaporofita vhawe na vhukhakhi ha vhotshifhe vhawe,+Vhe vha shulula malofha a vhavhuya vha re vhukati hawe.+
נ [Nun]
14 Vho mona-mona sa vho swingaho+ nḓilani.
Vho tshikafhadzwa nga malofha,+Ndi ngazwo hu si na ane a kona u fara zwiambaro zwavho.
ס [Samekh]
15 Vha vha ṱavhela mukosi vha ri, “Bvelani kule! Inwi vha re na tshika! Bvelani kule! Bvelani kule! Ni songo ri kwama!”
Ngauri a vha na haya, vha khou sokou mona-mona.
Vhathu vho amba vhe vhukati ha dzitshaka vha ri: “Vha nga si dzule fhano na riṋe.*+
פ [Pe]
16 Ene muṋe Yehova o vha balanganya;+Ha tsha ḓo vha takalela.
Vhathu a vha tsha ḓo ṱhonifha vhotshifhe,+ a hu tsha ḓo vha na ane a takalela vhahulwane.”+
ע [Ayin]
17 Zwino na maṱo ashu o no neta nga u sokou lavhelesa ri sa wani thuso.+
Ndi kale ro lindela thuso i bvaho kha lushaka lune lwa si kone u ri tshidza.+
צ [Tsade]
18 Vho ri zwima hoṱhe-hoṱhe+ lwe ri si kone na u tshimbila khoroni dzashu.
Vhufhelo hashu vhu tsini; maḓuvha ashu o fhela, ngauri vhufhelo hashu ho swika.
ק [Qoph]
19 Vhatovholi vhashu vho vha vhe na luvhilo lu fhiraho lwa magoni a ṱaḓulu.+
Vho ri pandamedza dzithavhani; vho ri lalela sogani.
ר [Resh]
20 Mufemo wa ningo dzashu, muḓodzwa wa Yehova+ o valelwa kha dindi ḽavho ḽihulu,+We ra vha ri tshi amba ngae ra ri: “Ri ḓo tshila murunzini wawe ri vhukati ha tshaka.”
ש [Sin]
21 Pembela u takale, Iwe ṅwananyana wa Edomo,+ a dzulaho shangoni ḽa Utsi.
Na iwe u ḓo ṋekedzwa tshinwelo,+ u ḓo kambiwa wa bvula wa sala u fhedzi.+
ת [Taw]
22 Iwe ṅwananyana wa Tsioni, u pfiswa hau vhuṱungu nga nṱhani ha vhukhakhi hau ho guma.
Mudzimu ha tsha ḓo dovha a u isa vhuthubwani.+
Fhedzi Mudzimu u ḓo livhisa ṱhogomelo yawe kha vhukhakhi hau, Iwe ṅwananyana wa Edomo.
A bvisela khagala zwivhi zwau.+
Ṱhaluso dzi re magumoni a siaṱari
^ Thevhedz., “vhurotho.”
^ Thevhedz., “zwiambaro zwitswuku.”
^ Kana “Vha nga si dzule fhano sa vhatsinda.”