Zwililo 5:1-22
5 Iwe Yehova, humbula zwe zwa ri wela.
Lavhelesa u vhone u nyadziwa hashu.+
2 Ifa ḽashu ḽo ṋewa vhane ra si vha ḓivhe, nnḓu dzashu dzo ṋewa vhatsinda.+
3 Ro no vha tsiwana dzi si na khotsi; vhomme ashu vha nga tshilikadzi.+
4 Maḓi ashu a u nwa ri tou a renga,+ na khuni dzashu ri tou dzi renga.
5 Vhane vha ri tovhola vha tsini na u ri fara;Ro neta, fhedzi a ri tendelwi u awela.+
6 Ro ḓitika nga Egipita+ na Asuri,+ uri ri wane zwiḽiwa* zwo eḓanaho zwa u ḽa.
7 Vhomakhulukuku washu vhe vha tshinya a vha tsheeho, fhedzi riṋe ri tea u hwala milandu yavho.
8 Zwino ri vho vhuswa nga vhalanda; a hu na ane a nga ri tshidza zwanḓani zwavho.
9 Ri vhea vhutshilo hashu khomboni uri ri wane zwiḽiwa,*+ ngauri sogani hu na mmbi.
10 Lukanda lwashu lu vho fhisa sa ṋanḓo, nga nṱhani ha vhuṱungu ha nḓala.+
11 Vho shonisa* vhafumakadzi vhashu ngei Tsioni na vhasidzana* vhashu vha re miḓini ya Yuda.+
12 Vhakololo vho ṋembeledzwa nga zwanḓa zwavho,+ vha nyadza na vhahulwane.+
13 Vhaṱhannga vha hwala guyo, na vhatukana vha khukhulwa ngauri vho hwala madzanda a khuni.
14 Vhahulwane a vha tsheeho khoroni ya muḓi;+ vhaṱhannga a vha tsha lidza zwilidzo zwavho.+
15 A ri tshee na dakalo mbiluni dzashu; u tshina hashu ho no shanduka ha vha zwililo.+
16 Khare yo wa ṱhohoni dzashu. Ro welwa nga khombo, ngauri ro tshinya!
17 Mbilu dzashu dzi khou vhavha nga nṱhani ha zwenezwi,+Na maṱo ashu ha tsha vhona zwavhuḓi,+
18 Ngauri Thavha ya Tsioni yo no vha shubi;+ zwino phunguwe dzi vho mona-mona henefho.
19 Iwe Yehova, u dzula kha khuluṋoni lwa tshoṱhe.
Khuluṋoni yau ndi ya mirafho na mirafho.+
20 Ndi ngani u tshi ri hangwa lwa tshoṱhe na u ri laṱa lwa tshifhinga tshilapfu?+
21 Iwe Yehova, ri humisele kha iwe na riṋe ri ḓo vhuyelela kha iwe nga u ḓifunela.+
Uri zwithu zwoṱhe zwi dovhe zwi nge zwa kale.+
22 Naho zwo ralo, wo ri laṱa tshoṱhe.
Wo dzula wo ri sinyutshela.+
Ṱhaluso dzi re magumoni a siaṱari
^ Thevhedz., “vhurotho.”
^ Thevhedz., “vhurotho.”
^ Kana “tzhipa.”