Musi vhe vhuthubwani Babele, Vhaisiraele vho vha na milingo minzhi ya lutendo lwavho. Sadaraka, Mesaka na Abedenego vho poswa ṋanḓoni ya mulilo, fhedzi Mudzimu a vha bvisa vha tshi tshila. Nga murahu, musi Babele ḽo no kundwa nga Vhameda na Vhaperesia, Daniele o poswa bakoni ḽa dzindau, fhedzi Yehova a mu tsireledza nga u vala milomo ya dzindau.

Mafheleloni, Korese khosi ya Vhaperesia a vhofholola Vhaisiraele. Vha vhuelela hayani ha havho nga murahu ha miṅwaha ya 70 Vho iswa Babele sa mathubwa. Tshiṅwe tsha zwithu zwa u thoma zwe vha ita vha tshi vhuelela Yerusalema ho vha u thoma u fhaṱa thembele ya Yehova. Naho zwo ralo, maswina a ṱavhanya u imisa mushumo wavho. Ngauralo ho vha miṅwaha ya 22 nga murahu ha u vhuelela Yerusalema he vha vhuya vha fhedza thembele.

Zwi tevhelaho, ri guda nga ha lwendo lwa Esera lwa u vhuelela Yerusalema u nakisa thembele. Hezwi zwo vha zwi miṅwaha ine ya nga lingana 47 thembele yo no fhela. Zwenezwo, miṅwaha ya 13 nga murahu ha lwendo lwa Esera, Nehemia a thusa u fhaṱulula mbondo dza Yerusalema dzo pwasheaho. Tshipiḓa tsha vhuṱanu tshi putela miṅwaha ya 152 ya ḓivhazwakale u swikela itshi tshifhinga.