Bivhili a i sokou ṋea mafhungo a ngoho a zwe zwa itea tshifhingani tsho fhiraho, fhedzi i dovha ya amba zwine zwa ḓo itea tshifhingani tshi ḓaho. Vhathu a vha koni u amba zwa tshifhinga tshi ḓaho. Ndi nga hone ri tshi ḓivha uri Bivhili i bva ha Mudzimu. Bivhili i ri mini nga ha tshifhinga tshi ḓaho?

I amba nga ha nndwa khulu ya Mudzimu. Nndwani iyo Mudzimu u ḓo ṱanzwa ḽifhasi vhuvhi hoṱhe na vhathu vhavhi, fhedzi u ḓo tsireledza vha mu shumelaho. Khosi ya Mudzimu, Yesu Kristo, u ḓo londa uri vhaḓinḓa vha Mudzimu vha takalela mulalo na dakalo, na uri a vha nga ḓo dovha vha lwala kana u fa.

Ri nga takalela uri Mudzimu u ḓo ita paradiso ntswa kha ḽifhasi, ri nga si takale? Fhedzi ri fanela u ita tshiṅwe tshithu arali ri tshi ḓo dzula paradisoni iyi. Mafhungoni a u fhedza a bugu ri guda zwine ra fanela u ita uri ri takalele zwithu zwavhuḓi zwe Mudzimu a zwi vhulungela vha mu shumelaho. Ngauralo vhalani tshipiḓa tsha 8 ni wane zwine Bivhili ya amba zwa tshifhinga tshi ḓaho.