Ni nga vhuyelwa hani nga u guda ino bugu?
Thomani nga u vhala mafhungo a re kha heḽi siaṱari, ni kone u ṱalela VIDIO.
TSHIPIḒA TSHA U THOMA
U itela u lugiselela ngudo iṅwe na iṅwe, vhalani tshipiḓa tsha u thoma. Mbudziso dzo swifhadzwaho (A) na dzivese (B) dzi ombedzela mbuno khulwane. Kha dziṅwe vese ho ṅwaliwa u pfi “vhalani.”
TSHIPIḒA TSHA VHUVHILI
Maipfi a u thoma a re (C) fhasi ha tshiṱoho tshine tsha ri Gudani Zwo Engedzeaho, a amba nga ha zwine ha ḓo gudiwa nga hazwo. Zwiṱohwana (D) zwi sumbedza mbuno khulwane. Musi ni na muthu ane a khou ni gudisa Bivhili, vhalani dzivese, ni fhindule dzimbudziso, ni ṱalele na dzividio.
VIDIO NA AUDIO dzi re kha ino bugu, dzi ḓo ni thusa uri ni pfesese khwine zwine na khou zwi guda. Dziṅwe vidio dzi sumbedza zwithu zwo iteaho zwa vhukuma. Kha dziṅwe hu vha hu matambwa a zwithu zwi songo iteaho zwa vhukuma, fhedzi zwi sumbedza zwithu zwine zwa nga itea.
Ni sedze zwifanyiso na mafhungo a re fhasi hazwo (E), ni humbule nga ha uri ni ḓo fhindula hani mbudziso i re fhasi ha tshiṱoho tshine tsha ri, Vhaṅwe Vhathu Vha Amba Uri (F).
TSHIPIḒA TSHA U FHEDZA
Magumoni a ngudo iṅwe na iṅwe hu na tshipiḓa tshine tsha ri, (G) No Guda Mini? na tshine tsha ri, Ni Kha Ḓi Zwi Humbula? Ṅwalani ḓuvha ḽe na fhedza ngaḽo ngudo. Nga fhasi ha tshipiḓa tshine tsha ri, Lingedzani Hezwi (H) hu sumbedzwa zwine na nga zwi ita uri ni bvele phanḓa ni tshi guda kana nḓila ine na nga shumisa ngayo zwe na zwi guda. Nga fhasi ha tshipiḓa tshine tsha ri, Wanani Zwo Engedzeaho (I) ni ḓo wana mafhungo o engedzeaho ane na nga a vhala kana vidio dzine na nga dzi ṱalela.
Zwi re ngomu
|
|
|
|
Ni nga wana hani dzivese Bivhilini?
Bivhili i na bugu ṱhukhu dza 66. Yo khethekanywa ya vha zwipiḓa zwivhili: Tshipiḓa tsha u thoma tsho vha tsho ṅwaliwa nga Tshihevheru na Tshiaramiki (“Thestamennde Ya Kale”) nahone tshipiḓa tsha vhuvhili tsho vha tsho ṅwaliwa nga Tshigerika (“Thestamennde Ntswa”).
Maṅwalo a re kha ino bugu, a sumbedza dzina ḽa bugu ya Bivhili (A), ha tevhela ndima (B), ha kona u tevhela vese kana dzivese (C).
Sa tsumbo, Yohane 17:3 ndi bugu ya Yohane, ndima 17, vese 3.
You May Also Like
MBUDZISO DZINE DZA ANZELA U VHUDZISWA
Ngudo Ya Bivhili Ndi Mini?
Musi ni tshi khou guda na Ṱhanzi dza Yehova nga mahala, ni nga shumisa Bivhili iṅwe na iṅwe ine na i takalela. Ni nga vhidza vha muṱani ha waṋu kana khonani dzaṋu uri na vhone vha vhe hone musi ni tshi guda.
