NGUDO 27

Lufu Lwa Yesu Lu Nga Ita Hani Uri Ri Tshidzwe?

TAMBANI

Adamu na Eva a vho ngo thetshelesa Mudzimu. Ndi ngazwo ri na tshivhi, ri tshi khou shengela nahone ri tshi lovha. a Fhedzi ri na fhulufhelo. Yehova o ri lugisela nḓila ya u ri tshidza kha tshivhi na lufu a tshi shumisa Murwa wawe Yesu Kristo. Bivhili i ri funza uri Yesu o ri rengulula nga u ri fela. Tshirengululi ndi tshelede ine ya badelwa u itela u vhofholola muthu. Yesu o badela nga vhutshilo hawe. O vha e si na tshivhi. (Vhalani Mateo 20:28.) Musi Yesu a tshi ṋekedza vhutshilo hawe nga u ḓifunela kha ḽifhasi, o ri vulela tshibuli tsha uri ri wane zwoṱhe zwe Adamu na Eva vha xelelwa ngazwo. Yesu o dovha a sumbedza nḓila ine ene na Yehova vha ri funa ngayo. Heyi ngudo i ḓo ni thusa uri ni dzhiele nṱha lufu lwa Yesu.

1. Lufu lwa Yesu lu nga ri thusa hani ṋamusi?

Nga nṱhani ha uri ri na tshivhi, ri ita zwithu zwinzhi zwine zwa si takadze Yehova. Fhedzi ri nga ḓiphina nga u vha na vhukonani ha tsini-tsini na Yehova. Zwenezwo ri nga zwi ita nga u ḓisola zwi tshi bva mbiluni nga nṱhani ha zwivhi zwashu, ra humbela Yehova dzinani ḽa Yesu uri a ri hangwele nahone ra ita zwoṱhe zwine ra nga kona uri ri sa dovholole honoho vhukhakhi. (1 Yohane 2:1) Bivhili i ri: “Kristo o fa luthihi nahone lwa tshoṱhe. O fela vha songo lugaho naho o luga, a vha vhofholola kha tshivhi. O ita zwenezwi uri a ni ise kha Mudzimu.”—1 Petro 3:18.

2. Lufu lwa Yesu lu ḓo ri thusa hani tshifhingani tshi ḓaho?

Yehova o ruma Yesu uri a ṋekedze vhutshilo hawe, uri ane a “tenda [Yesu] a si fheliswe, fhedzi a wane vhutshilo vhu sa fheli.” (Yohane 3:16) Nga nṱhani ha zwe Yesu a zwi ita, hu si kale Yehova u ḓo fhelisa zwithu zwoṱhe zwivhi zwo itiswaho nga u sa thetshelesa ha Adamu. Arali ra vha na lutendo kha tshiṱhavhelo tsha Yesu, ri ḓo ḓiphiṋa nga u tshila lwa tshoṱhe pharadisoni kha ḽifhasi!—Yesaya 65:21-23.

GUDANI ZWO ENGEDZEAHO

Gudani zwo engedzeaho nga ha uri ndi ngani Yesu o ṋekedza vhutshilo hawe na nḓila ine na vhuyelwa ngayo.

3. Lufu lwa Yesu lu ri vhofholola kha tshivhi na lufu

Ṱalelani VIDIO, ni kone u fhindula mbudziso i tevhelaho.

VIDIO: Ndi Ngani Yesu o Fa?—Tshipiḓa 1 (2:01)

Adamu o xelelwa nga mini nge a si thetshelese Mudzimu?

Vhalani Vharoma 5:12, ni kone u fhindula mbudziso i tevhelaho:

Vhutshilo haṋu ho kwamea hani nga tshivhi tsha Adamu?

Vhalani Yohane 3:16, ni kone u fhindula mbudziso i tevhelaho:

Ndi ngani Yehova o rumela Murwa wawe kha ḽifhasi?

Adamu o vha e si na tshivhi, fhedzi ho ngo thetshelesa Mudzimu. Zwenezwo zwo ita uri vhathu vha vhe na tshivhi nahone vha lovhe
Yesu o vha e si na tshivhi, fhedzi o thetshelesa Mudzimu. Zwenezwo zwo ṋea vhathu tshibuli tsha uri vha si tsha vha na tshivhi na uri vha tshile lwa tshoṱhe

4. Lufu lwa Yesu lu nga vhuyedza vhathu vhoṱhe

Ṱalelani VIDIO, ni kone u fhindula mbudziso i tevhelaho.

VIDIO: Ndi Ngani Yesu o Fa?—Tshipiḓa 2 (2:00)

Lufu lwa muthu muthihi lu nga vhuyedza hani vhathu vhoṱhe?

Vhalani 1 Timotheo 2:5, 6, ni kone u fhindula mbudziso i tevhelaho:

Adamu o vha e si na tshivhi, fhedzi nga nṱhani ha tshivhi tshe a tshi ita, vhathu vhoṱhe vha na tshivhi nahone vha a lovha. Na Yesu o vha e si na tshivhi u fana na Adamu. Zwino lufu lwa Yesu lwo ‘rengulula vhathu’ nga nḓila-ḓe?

5. Tshirengululi ndi tshifhiwa tshe Yehova a ni ṋea tshone

Khonani dza Yehova, dzi dzhia tshirengululi sa tshifhiwa tshe dza ṋewa tshone. Sa tsumbo, vhalani Vhagalata 2:20, ni kone u fhindula mbudziso i tevhelaho:

Muapostola Paulo o sumbedza hani uri u dzhia tshirengululi sa tshifhiwa tshe a ṋewa tshone?

Musi Adamu a tshi ita tshivhi, ene na vhana vhawe vhoṱhe vho haṱulelwa lufu. Fhedzi Yehova o rumela Murwa wawe uri a ni fele uri ni kone u wana vhutshilo vhu sa fheli.

Musi ni tshi khou vhala vese dzi tevhelaho, humbulani nga ha nḓila ine Yehova a nga vha o ḓipfa ngayo musi a tshi vhona Murwa wawe a tshi khou shengela. Vhalani Yohane 19:1-7, 16-18, ni kone u fhindula mbudziso i tevhelaho: