NGUDO 53
Khethani Vhuḓimvumvusi Vhune Ha Takadza Yehova
Yehova ndi “Mudzimu o takalaho.” (1 Timotheo 1:11) U ṱoḓa uri ri takale na uri ri ḓiphine nga vhutshilo. U a zwi takalela musi ri tshi vha na tshifhinga tsha u awela kha mishumo yashu. Kha ino ngudo, ri ḓo vhona uri ri nga shumisa hani tshifhinga tshashu tsha u ḓimvumvusa nga nḓila ine ya homolosa na ine ya takadza Yehova.
1. Ri tea u humbula mini musi ri tshi khetha zwine ra ḓimvumvusa ngazwo?
Ni takalela u ita mini musi no ḓiawetshela? Vhaṅwe vha takalela u fhedza tshifhinga vho ḓidzulela hayani, vha tshi khou vhala bugu, vha tshi khou thetshelesa muzika, vha tshi khou ṱalela muvi kana vha tshi khou sedza zwiḽa na zwiḽa kha Inthanethe. Vhaṅwe vha ḓiphina nga u ṱwa na dzikhonani, vha tshi khou gonya thavha, u bambela kana u tamba miṅwe mitambo. Ri tea u ita vhungoho ha uri zwiṅwe na zwiṅwe zwine ra khetha u ḓimvumvusa ngazwo zwi a “takadza Murena.” (Vhaefesa 5:10) Ndi zwa ndeme uri ri pfesese zwenezwi zwithu ngauri vhathu vhanzhi vha ḓimvumvusa nga zwithu zwine Yehova a zwi vhenga. Zwenezwo ndi zwithu zwi ngaho vhuvemu, u ḓifara luvhi nga zwa vhudzekani na zwa vhudimoni. (Vhalani Phisalema 11:5.) Ndi mini zwine zwa ḓo ri thusa u khetha zwavhuḓi zwithu zwine ra ṱoḓa u ḓimvumvusa ngazwo?
Arali khonani dzashu dzi tshi funa Yehova, dzi ḓo ri ṱuṱuwedza u khetha vhuḓimvumvusi havhuḓi. Samusi ro zwi guda kha ngudo yo fhiraho, “ane a tshimbila na vhaṱali u ḓo ṱalifha.” Fhedzi arali ra ṱwa na vhathu vha sa funi milayo ya Mudzimu, zwi nga si ri “tshimbilele zwavhuḓi.”—Mirero 13:20.
2. Ndi ngani zwi zwa ndeme u langa tshifhinga tshine ra tshi fhedza ri tshi khou ḓimvumvusa?
Naho vhuḓimvumvusi vhune ra vhu khetha vhu havhuḓi, ri tea u ṱhogomela tshifhinga tshine ra tshi fhedza ri khaho. Arali ra sa ita nga u ralo, ri nga wana ri si tsheena tshifhinga tsha u ita zwithu zwa ndeme. Bivhili i ri vhudza uri ri “shumise tshifhinga [tshashu] nga vhuṱali.”—Vhalani Vhaefesa 5:15, 16.
GUDANI ZWO ENGEDZEAHO
Gudani nga ha uri ni nga khetha hani vhuḓimvumvusi havhuḓi.
3. Ni songo ḓimvumvusa nga zwithu zwi si zwavhuḓi
Ndi ngani ri tshi tea u khetha zwavhuḓi zwithu zwine ra ṱoḓa u ḓimvumvusa ngazwo? Ṱalelani VIDIO, ni kone u fhindula mbudziso dzi tevhelaho.
-
Mitambo ya u lwa ye ya vha i tshi tambiwa Roma tshifhingani tsha kale, i fana hani na miṅwe mitambo ya musalauno?
-
Kha vidio, ndi mini zwe Danny a zwi guda nga ha vhuḓimvumvusi?
Vhalani Vharoma 12:9, ni kone u fhindula mbudziso i tevhelaho:
-
Iyi vese i nga ni thusa hani uri ni khethe vhuḓimvumvusi ho teaho?
Ndi zwifhio zwiṅwe zwithu zwine Yehova a zwi vhenga? Vhalani Mirero 6:16, 17 na Vhagalata 5:19-21. Musi no no vhala vese dzoṱhe, ni fhindule mbudziso i tevhelaho:
-
Ndi zwifhio zwithu zwo ambiwaho kha idzi vese zwo ḓoweleaho kha vhuḓimvumvusi ha musalauno?
Mbudziso dzine dza nga ni thusa u khetha vhuḓimvumvusi ho teaho
Ḓivhudziseni uri:
-
Ndi mini zwine nda ḓimvumvusa ngazwo? Naa zwi katela zwithu zwine Yehova a zwi vhenga?
-
Naa ndi fhedza tshifhinga tshinzhi ndi tshi khou ḓimvumvusa lune nda si tsha kona u ita zwithu zwa ndeme?
-
Naa vhuḓimvumvusi hanga vhu ntsendedza tsini na vhathu vha sa funi Yehova?
Ndi khwine u tambela kule na zwithu zwine zwa ḓo ri dzhenisa khomboni. Ndi ngazwo ri tshi fanela u ṱutshela kule na vhuḓimvumvusi hoṱhe vhune ra humbula uri a si havhuḓi
4. Shumisani tshifhinga tshaṋu nga vhuṱali
Ṱalelani VIDIO, ni kone u fhindula mbudziso i tevhelaho.
-
Muṱhannga we ra mu vhona kha vidio o vha a sa khou ṱalela zwithu zwo khakheaho, fhedzi thaidzo yawe ho vha hu mini?
Vhalani Vhafilipi 1:10, ni kone u fhindula mbudziso i tevhelaho:
-
Iyi vese i nga ri thusa hani u khetha tshifhinga tshine ra ḓo tshi fhedza ri tshi khou ḓimvumvusa?
5. Khethani vhuḓimvumvusi havhuḓi
Naho hu na vhuḓimvumvusi vhu sa takadzi Yehova, hu na zwithu zwinzhi zwi takadzaho Yehova zwine ra nga ḓimvumvusa ngazwo. Vhalani Muhuweleli 8:15 na Vhafilipi 4:8, ni kone u fhindula mbudziso i tevhelaho:
-
Ndi vhuḓimvumvusi vhufhio havhuḓi vhune na vhu takalela?
Ni nga ḓiphina nga vhuḓimvumvusi havhuḓi na mitambo yavhuḓi
VHAṄWE VHATHU VHA AMBA URI: “A hu na tsho khakheaho nga u ḓimvumvusa nga zwithu zwine zwa vha na vhuvemu, u ḓifara luvhi kana vhudimoni, tenda ndi sa khou ita zwenezwo zwithu.”
-
Inwi ni nga ri mini?
NO GUDA MINI?
Yehova u ṱoḓa ri tshi khetha u ḓimvumvusa nga zwithu zwavhuḓi na u ḓiphiṋa ngazwo.
Ni Kha Ḓi Zwi Humbula?
-
Vhakriste vha tea u iledza vhuḓimvumvusi vhufhio?
-
Ndi ngani ri tshi tea u sedza uri ri fhedza tshifhinga tshingafhani ri tshi khou ḓimvumvusa?
-
Ndi ngani ni tshi ṱoḓa u khetha vhuḓimvumvusi vhune ha takadza Yehova?
WANANI ZWO ENGEDZEAHO
Gudani uri ndi nnyi a re na vhuḓifhinduleli ha u khetha zwine na ḓimvumvusa ngazwo.
Gudani uri ni nga khetha hani vhuḓimvumvusi nga nḓila yavhuḓi.
“Naa Vhuḓimvumvusi Haṋu Vhu A Vhuyedza?” (Tshiingamo, 15 October 2011)
Kha nganeavhutshilo ine ya ri “Ndo Fhelisa Luvhengelambiluni Lwanga,” vhonani uri muṅwe munna o shandula hani zwe a vha a tshi ḓimvumvusa ngazwo.
Vhonani uri mme u ita hani phetho yavhuḓi nga ha vhuḓimvumvusi vhu re na vhudimoni.
Iledzani U Ḓimvumvusa Nga Zwithu Zwi Re Na Vhudimoni (2:02)
You May Also Like
MBUDZISO DZINE DZA ANZELA U VHUDZISWA
Ngudo Ya Bivhili Ndi Mini?
Musi ni tshi khou guda na Ṱhanzi dza Yehova nga mahala, ni nga shumisa Bivhili iṅwe na iṅwe ine na i takalela. Ni nga vhidza vha muṱani ha waṋu kana khonani dzaṋu uri na vhone vha vhe hone musi ni tshi guda.
