NGUDO 12
Ndi Mini Zwine Zwa Ḓo Ni Thusa Uri Ni Bvele Phanḓa Ni Tshi Guda Bivhili?
U guda Bivhili zwi a vhuyedza, naho zwi songo leluwa nga zwiṅwe zwifhinga. Fhedzi nga zwiṅwe zwifhinga ni nga ḓivhudzisa uri: Naa ndi ḓo kona u bvela phanḓa ndi tshi guda Bivhili? Ndi ngani zwi zwa ndeme u bvela phanḓa ni tshi guda? Ndi mini zwine zwa ḓo ni thusa uri ni bvele phanḓa naho zwi tshi konḓa?
1. Ndi ngani u guda Bivhili zwi zwa ndeme?
“Ipfi ḽa Mudzimu ḽi a tshila, ḽi na maanḓa.” (Vhahevheru 4:12) Bivhili ndi ya ndeme ngauri i dzumbulula zwine Mudzimu a zwi humbula na nḓila ine a ḓipfa ngayo nga ha inwi. Bivhili i ni thusa uri ni vhe na nḓivho, vhuṱali na fhulufhelo. Zwa ndeme vhukuma, Bivhili i ni thusa uri ni vhe khonani ya Yehova. Musi ni tshi guda Bivhili, ni vha ni tshi khou i tendela uri i khwinise vhutshilo haṋu.
2. Ndi ngani zwi zwa ndeme u dzhiela nṱha ngoho i re Bivhilini?
Ngoho i re Bivhilini i tou nga lupfumo. Ndi ngazwo Bivhili i tshi ri ṱuṱuwedza uri ri ‘renge ngoho, ri songo vhuya ra i rengisa.’ (Mirero 23:23) U dzula ri tshi ḓivha uri ngoho i re Bivhilini ndi ya ndeme lungafhani, zwi ḓo ita uri ri bvele phanḓa ri tshi guda naho zwi tshi konḓa kana ri tshi vha na zwithithisi.—Vhalani Mirero 2:4, 5.
3. Yehova a nga ni thusa hani uri ni bvele phanḓa ni tshi guda?
Samusi Yehova e Mudzimu Ramaanḓaoṱhe nahone e Khonani yaṋu, u ṱoḓa u ni thusa uri ni gude nga hae. A nga ita uri “ni tame u ita zwine a funa na u vha na maanḓa a u [zwi] ita.” (Vhafilipi 2:13) Ngauralo, a nga ni thusa arali nga zwiṅwe zwifhinga ni tshi ṱoḓa u ṱuṱuwedzwa uri ni gude kana uri ni shumise zwine na khou zwi guda. A nga ni ṋea maanḓa o engedzeaho uri ni kunde zwithithisi kana u pikiswa. Dzulani ni tshi rabela, ni humbele Yehova uri a ni thuse uri ni bvele phanḓa ni tshi khou guda Bivhili.—1 Vhathesalonika 5:17.
GUDANI ZWO ENGEDZEAHO
Gudani uri ni nga bvela hani phanḓa ni tshi guda Bivhili naho no farakanea kana vhaṅwe vha tshi ni pikisa. Ni vhone nḓila ine Yehova a ḓo ni thusa ngayo uri ni bvele phanḓa ni tshi guda.
4. Itani uri u guda Bivhili zwi vhe zwa ndeme u fhira zwithu zwoṱhe
Nga zwiṅwe zwifhinga, ri nga farakanea lune ra vhona u nga a ri na tshifhinga tsha u guda Bivhili. Ndi mini zwine zwa nga thusa? Vhalani Vhafilipi 1:10, ni kone u fhindula mbudziso dzi tevhelaho:
-
Ndi zwifhio zwithu zwine na vhona u nga ndi “zwa ndeme vhukuma” vhutshiloni?
-
Ni nga ita hani uri u guda Bivhili zwi vhe zwa ndeme u fhira zwithu zwoṱhe?
-
Arali na ḓadza bakete nga muṱavha, na lingedza u dzhenisa na matombo, matombo a nga si fhelele
-
Arali na thoma nga u dzhenisa matombo, ni ḓo kona na u shela muṱavha munzhi. Nga hu fanaho, arali na thoma nga u ita zwithu “zwine zwa vha zwa ndeme vhukuma,” ni ḓo zwi khunyeledza na dovha na vha na tshifhinga tsha u ita zwiṅwe zwithu
U guda Bivhili zwi fusha lutamo lwashu lwa u ṱoḓa u ḓivha Mudzimu na u mu gwadamela. Vhalani Mateo 5:3, ni kone u fhindula mbudziso i tevhelaho:
-
Ri vhuyelwa hani musi ri tshi ita uri u guda Bivhili zwi vhe zwa ndeme u fhira zwithu zwoṱhe?
5. Konḓelelani musi ni tshi pikiswa
Nga zwiṅwe zwifhinga, vhaṅwe vha nga lingedza u ita uri ni si tsha takalela u guda Bivhili. Ṱhogomelani tsumbo ya Vho-Francesco. Ṱalelani VIDIO, ni kone u fhindula mbudziso dzi tevhelaho.
-
Khonani dza Vho-Francesco na mme a Vho-Francesco, vho ita mini musi Vho-Francesco vha tshi vha vhudza zwe vha vha vha tshi khou zwi guda?
-
Vho-Francesco vho vhuyelwa hani nge vha konḓelela?
Vhalani 2 Timotheo 2:24, 25, ni kone u fhindula mbudziso dzi tevhelaho:
-
Vha muṱani waṋu na khonani dzaṋu, vha ḓipfa hani nga zwine na khou zwi guda?
-
U ya nga idzi vese, ni fanela u ita mini arali muṅwe muthu a sa takaleli uri ni khou guda Bivhili? Ndi ngani ni tshi ralo?
6. Ḓitikeni nga Yehova
Musi ri tshi vha na vhushaka ha tsini na Yehova, zwi ita uri ri ṱoḓe u mu takadza nga ho engedzeaho. Fhedzi zwi nga ri konḓela u ita tshanduko vhutshiloni hashu uri ri kone u tshila nga nḓila ine Yehova a i ṱanganedza. Arali na ḓipfa nga yeneyo nḓila, ni songo kulea nungo. Yehova u ḓo ni thusa. Ṱalelani VIDIO, ni kone u fhindula mbudziso dzi tevhelaho.
-
Kha vidio, Vho-Jim vho ita tshanduko dzifhio u itela u takadza Yehova?
-
Ndi zwifhio zwine na zwi takalela kha tsumbo yavho?
Vhalani Vhahevheru 11:6, ni kone u fhindula mbudziso dzi tevhelaho:
-
Yehova u ḓo itela mini “vhane vha mu ṱoḓa zwi tshi bva mbiluni”?
-
Ni vhona u nga Yehova u ḓipfa hani musi a tshi vhona ni tshi ita zwoṱhe zwine na nga kona u itela u guda Bivhili?
MUṄWE MUTHU A NGA VHUDZISA URI: “Ndi ngani ni tshi khou guda Bivhili?”
-
Ni nga mu fhindula hani?
NO GUDA MINI?
Naho nga zwiṅwe zwifhinga zwi songo leluwa u guda Bivhili, zwi nga ni thusa uri ni ḓiphiṋe nga vhutshilo lwa tshoṱhe. Bvelani phanḓa ni tshi ḓitika nga Yehova, u ḓo ni fhaṱutshedza.
Ni Kha Ḓi Zwi Humbula?
-
Ndi ngani ngoho i re Bivhilini i ya ndeme kha inwi?
-
Ni nga ḓivha hani “zwine zwa vha zwa ndeme vhukuma”?
-
Ndi ngani ni tshi fanela u humbela Yehova uri a ni thuse uri ni bvele phanḓa ni tshi guda Bivhili?
WANANI ZWO ENGEDZEAHO
Ṱhogomelani zwithu zwiṋa zwe zwa thusa vhathu vhanzhi uri vha shumise tshifhinga tshavho nga vhuṱali.
“Nḓila Ine Na Nga Shumisa Ngayo Tshifhinga Nga Vhuṱali” (Fhaṱuwani!, February 2014)
Vhonani uri Yehova o thusa hani muṅwe mufumakadzi we munna wawe a vha a sa takaleli a tshi guda Bivhili.
Yehova U A Ri Khwaṱhisa Uri Ri Kone U Hwala Zwi Ri Lemelaho (5:05)
Vhonani uri muṅwe munna o vhuyelwa hani nga u konḓelela ha mufumakadzi wawe.
Nga zwiṅwe zwifhinga, Ṱhanzi dza Yehova vha pomokwa uri vha a kwasha miṱa. Fhedzi naa zwenezwo ndi ngoho?
“Naa Ṱhanzi Dza Yehova Vha A Kwasha Miṱa Kana Vha A I Khwaṱhisa?” (Thero i re kha jw.org)
You May Also Like
MBUDZISO DZINE DZA ANZELA U VHUDZISWA
Ngudo Ya Bivhili Ndi Mini?
Musi ni tshi khou guda na Ṱhanzi dza Yehova nga mahala, ni nga shumisa Bivhili iṅwe na iṅwe ine na i takalela. Ni nga vhidza vha muṱani ha waṋu kana khonani dzaṋu uri na vhone vha vhe hone musi ni tshi guda.
