U THOMA NYAMBEDZANO
NGUDO 5
Ambani Nga Nḓila Ya Vhuṱali
Vhulivhisi: “Zwine na amba tshifhinga tshoṱhe, ni zwi ambe nga vhuthu.”—Vhakol. 4:6.
Zwe Paulo A Zwi Ita
1. Ṱalelani VIDIO, kana ni vhale Mishumo 17:22, 23. Nga murahu ni fhindule mbudziso dzi tevhelaho:
-
Paulo o ḓipfa hani musi a tshi vhona midzimu ya zwifanyiso Athene?—Sedzani Mishumo 17:16.
-
Vhudzuloni ha u sasaladza Vhaathene, Paulo o amba hani nga nḓila ya vhuṱali, a shumisa zwine vha zwi tenda u itela u vha ḓivhadza mafhungo maḓifha?
Ri Guda Mini Kha Paulo?
2. Vhathu vha ḓo ṱoḓa u ri thetshelesa arali ra khetha nga vhuṱali zwine ra zwi amba, nḓila ine ra zwi amba ngayo na uri ri zwi amba lini.
Edzisani Paulo
3. Khethani nga vhuṱali zwine na ḓo zwi amba. Sa tsumbo, musi ni tshi amba na vhathu vha si Vhakriste, ni nga tea u shandula nḓila ine na amba ngayo nga ha Bivhili kana nḓila ine na vhidza ngayo Yesu.
4. Ni songo ṱavhanyedza u khakhulula muthu. Mu tendeleni a ambe o vhofholowa. Arali a amba zwiṅwe zwithu zwine zwa si tshimbidzane na zwine Bivhili ya zwi funza, ni ḓifare, ni songo ṱaṱa khani. (Yak. 1:19) Musi ni tshi mu thetshelesa, ni ḓo ḓivha zwine a zwi tenda na uri ndi ngani a tshi zwi tenda.—Mir. 20:5.
5. Ni tendelane nae na u mu khoḓa musi zwo tea. A nga vha e na vhungoho ha uri zwine a zwi tenda ndi ngoho. Thomani nga u amba nga ha zwithu zwine na tendelana khazwo nahone nga murahu ni bvele phanḓa ni tshi mu thusa nga zwiṱuku nga zwiṱuku u pfesesa zwine Bivhili ya zwi funza.
