Uri ni si xelelwe nga khonani, ni fanela u amba nayo. Ni a mu thetshelesa, na ene u a ni thetshelesa. Ni dovha na vhudza vhaṅwe zwithu zwavhuḓi nga khonani yaṋu. Zwi a fana na u vha khonani ya Mudzimu. Ṱhogomelani zwine Bivhili ya amba nga ha zwenezwi:

Ambani na Yehova tshifhinga tshoṱhe nga thabelo. “Thabeloni ni konḓelele.”​—Vha-Roma 12:12.

Vhalani Ipfi ḽa Mudzimu, Bivhili. “Maṅwalo oṱhe, ma-hevhedzwa-nga-Mudzimu, na hone a a lamulela, kha u funza na kha thovhedzo na kha u vhuyedzedza nḓilani na kha u laya kulugele.”​—2 Timotheo 3:16.

Funzani vhaṅwe nga ha Mudzimu. “Iyani-ha ni ite vhathu vhoṱhe vhafunziwa . . . ni vha funze u ita zwoṱhe zwe nda ni laya.”​—Mateo 28:19, 20.

 Sendelani tsini na khonani dza Mudzimu. “Mu-endelana-na-vhaṱali u a ṱalifha-vho.”​—Mirero 13:20.

Iyani miṱanganoni Holoni ya Muvhuso. “Kha ri sedzane nga tshashu, ri ṱuṱuwedzane lufunoni na kha mishumo mivhuya.”​—Vha-Heberu 10:24, 25.

Thusani nga u tikedza mushumo wa Muvhuso. “Muthu waṋu nga a ite [ṋee] tshe a dzula ó tshi elekanya mbiluni yawe, a so ngo shuma ó ṱungufhala nge a kombetshedzwa, ngauri a ṋeaho ó takala ndi ene a funwaho nga Mudzimu.”​—2 Vha-Korinta 9:7.