Vhukonani ho thewa kha lufuno. Musi ni tshi guda zwinzhi nga ha Yehova, ni ḓo mu funa nga nḓila yo engedzeaho. Musi lufuno lwaṋu kha Mudzimu lu tshi hula, na lutamo lwa u mu shumela lu ḓo hula-vho. Hezwi zwi ḓo ni sudzulusela u vha mufunziwa wa Yesu Kristo. (Mateo 28:19) Nga u ṱanganela na muṱa wo takalaho wa Ṱhanzi dza Yehova, ni ḓo wana vhukonani ha tshoṱhe na Mudzimu. Ni fanela u ita mini?

Ni fanela u funa Mudzimu nga u thetshelesa milayo yawe. “Ngauri u funa Mudzimu ndi u ita zwe a ri laya nahone milayo yawe a i konḓi.”​—1 Yohane 5:3.

Shumisani zwine na zwi guda. Yesu o anetshela nganea ine ya sumbedza hezwi. Munna wa vhuṱali o fhaṱa nnḓu yawe kha tombo. Munna wa tsilu o fhaṱa nnḓu yawe kha muṱavha. Musi hu tshi vhudzula maḓumbu mahulwane, nnḓu yo fhaṱwaho kha tombo a yo ngo wa, fhedzi nnḓu yo fhaṱwaho kha muṱavha yo wa. Yesu o amba uri vhane vha pfa pfunzo dzawe nahone vha tevhedza zwine a zwi amba vha nga munna wa vhuṱali a fhaṱaho nnḓu kha tombo. Fhedzi vhane vha pfa pfunzo dzawe nahone vha si ite zwine ya amba vha nga munna wa tshilu a fhaṱaho nnḓu yawe kha muṱavha. Ni ṱoḓa u fana na munna ufhio?​—Mateo 7:24-27.

 U ḓinekedza. Hezwi zwi amba uri ni ya kha Yehova nga thabelo na mu vhudza uri ni khou ṱoḓa u ita zwi funwaho ngae nga hu sa fheli. U ita zwi funwaho nga Mudzimu zwi sumbedza uri ni mufunziwa wa Yesu Kristo.​—Mateo 11:29.

Ndovhedzo. “U lovhedzwe, U ṱanzwiwe zwivhi zwau, U rabele dzina ḽa Murena.”​—Mishumo 22:16.

Ṱanganelani nga vhuḓalo mushumoni wa Mudzimu. “Námusi tshi tshi’ni, tshiné na ita, ni shume nga mbilu, ni nge ní shumelaho Mudzimu, ni sá shumeliho vhathu.”​—Vha-Kolosa 3:23.