TSHIKOLO TSHA VHAHUWELELI VHA MUVHUSO Vhavulanḓila vha re na miṅwaha i re vhukati ha 23 na 65 vha re na dzangalelo ḽa u engedza tshumelo yavho, vha khou rambiwa u vha hone muṱanganoni wa vhane vha takalela u ya Tshikoloni Tsha Vhahuweleli Vha Muvhuso nga Swondaha nga masiari. Hune wa ḓo farelwa hone na tshifhinga zwi ḓo ḓivhadzwa.

VHALINDI Vhalindi vho vhetshelwa u ni thusa. Nga khumbelo tevhelani nga vhuronwane vhulivhisi havho malugana na u paka dzi goloi, hune vhathu vha tea u dzhena ngaho na u bva, vhudzulo na zwiṅwe vho.

NDOVHEDZO Zwidulo zwa vhane vha khou ya ndovhedzoni zwi ḓo vha zwi phanḓa ha tshiteidzhi. Vhane vha khou ya u lovhedzwa vha tea u vha vho no dzula henefho nyambo ya ndovhedzo i sa athu thoma nga Mugivhela nga matsheloni. Muṅwe na muṅwe u tea u ḓa na thaula na zwiambaro zwi ṱhonifheaho zwa u lovhedzwa.

MIṊEELO Ho vha na dzitshinyalelo musi hu tshi itwa ndugiselelo dza vhudzulo ho eḓanaho, mitshini ya khudzaipfi, na dziṅwe tshumelo nnzhi dzi itaho uri u vha hone buthanoni zwi takadze na u ri thusa uri ri sendele tsini na Yehova. Miṋeelo yaṋu ya u ḓifunela i thusa u badela dzenedzi tshinyalelo na u tikedza mushumo wa shango ḽoṱhe. U itela u ni thusa, mabogisi a miṋeelo o swaiwaho zwavhuḓi o vhewa hoṱhe-hoṱhe. Miṋeelo yoṱhe i a livhuwiwa vhukuma. Tshigwada tshi Langaho tshi a livhuha hu tshee nga phanḓa u tikedza haṋu nga mafunda zwithu zwoṱhe zwine zwa tshimbidzana na Muvhuso.

THUSOṰHANZI Ri humbela uri ni humbule uri hezwi ndi zwa musi hu na ZWIIMO ZWA SHISHI FHEDZI

THUNDU DZO XELAHO DZA WANALA Thundu dzoṱhe dzo xelaho dzi fanela u iswa kha Muhasho Wa Thundu Dzo Xelaho Dza Wanala. Arali hu na tshe na xedza, iyani kha wonoyu muhasho u itela u wana zwe na xedza. Vhana vho xelanaho na vhabebi vhavho vha tea u iswa kha wonoyu muhasho. Naho zwo ralo, u itela u iledza mutsiko u sa ṱoḓei, ri humbela uri ni ṱhogomele vhana vhaṋu na u dzula ni na vho tshifhinga tshoṱhe.

MADZULO Ri humbela uri ni humbulele vhaṅwe. Humbulani uri vhudzulo vhu nga vhetshelwa fhedzi vha muṱa waṋu, vhane na khou tshimbila navho nga goloi nthihi, vhane na dzula navho muḓini muthihi na vhane na guda navho Bivhili. Ni songo vhea thundu yaṋu kha zwidulo zwine na sa ḓo dzula khazwo.

VHOMAḒILONGA Arali ni tshi takalela u thusa kha mushumo wa u dzudzanya muṱangano, ri humbela uri ni ḓiṅwalise kha Muhasho Wa Vhomaḓilonga.