VHALINDI Vhalindi vho vhetshelwa u ni thusa. Nga khumbelo, shumisanani navho musi vha tshi ni livhisa hune na fanela u paka, hune na fanela u tshimbila hone, fhethu ha u dzula na zwiṅwe-vho.

NDOVHEDZO Vhane vha khou ya u lovhedzwa vha ḓo dzula kha zwidulo zwa phanḓa nga nnḓa ha musi zwo sumbedzwa nga iṅwe nḓila. Vhane vha khou ya u lovhedzwa vha fanela u dzula henefho musi nyambo ya ndovhedzo i sa athu thoma nga Mugivhela nga matsheloni. Muṅwe na muṅwe u fanela u ḓa na thavhula yawe na zwiambaro zwi ṱhonifheaho zwine a ḓo lovhedzwa ngazwo.

MIṊEELO Zwo ḓura vhukuma u dzudzanya ḽeneḽi buthano, zwishumiswa zwa muzika na vidio na zwiṅwe zwe zwa ita uri ḽino buthano ḽi takadze na u ita uri ḽi ri sendedze tsini na Yehova. Miṋeelo yaṋu ya u ḓifunela i nga badela dzenedzi tshinyalelo na u dovha ya tikedza kha mushumo wa shango ḽoṱhe. Hu na mabogisi o swaiwaho u mona na fhethu hoṱhe. Miṋeelo yoṱhe ri a i livhuwa vhukuma. Tshigwada tshi Langaho tshi livhuwa mafunda a vhoiwe noṱhe a u tikedza Muvhuso wa Mudzimu.

THUSOTHANGI Ṱhogomelani uri zwenezwi ndi zwa VHUIMO HA SHISHI FHEDZI.

ZWO XELAHO ZWA WANALA Arali na wana tshithu tshine a ni ḓivhi uri ndi tsha nnyi, ri humbela uri ni tshi ise kha Muhasho wa Zwo Xelaho Zwa Wanala. Arali hu na tshe na xedza, iyani kha wonoyo muhasho nahone ni tshi ṱaluse. Vhana vho xelanaho na vhabebi vhavho vha fanela u iswa kha wonoyo muhasho. U itela u iledza honohu vhuimo vhu tsikeledzaho, ri humbela uri ni ṱhogomele vhana vhaṋu na u dzula ni navho tshifhinga tshoṱhe.

MADZULO Ri humbela uri ni humbulele vhaṅwe. Humbulani, ni nga vhetshela zwidulo vha muṱa waṋu na vhane na khou tshimbila navho nga goloi nthihi, vhane na dzula navho muḓini kana vhane na khou guda navho Bivhili. Ri humbela uri ni songo vhea zwithu nṱha ha zwidulo zwine a ni nga ḓo dzula khazwo.

VHOMAḒILONGA Arali ni tshi takalela u shela mulenzhe kha nzudzanyo dza buthano, ri humbela uri ni ye kha Muhasho wa Mafhungo na Vhomaḓilonga.

TSHIKOLO TSHA VHAHUWELELI VHA MUVHUSO Vhavulanḓila vha re na miṅwaha ya 23 u swika kha 65 vhane vha vha na dzangalelo ḽa u engedza vhuḓinḓa havho, vha khou rambiwa u vha hone kha muṱangano wa vhane vha takalela u ya Tshikoloni tsha Vhahuweleli vha Muvhuso une wa ḓo vha hone nga Swondaha nga masiari. Tshifhinga na fhethu zwi ḓo ḓivhadzwa.