VHALINDI Vhalindi vho itelwa u ni thusa. Ri humbela uri ni shumisane navho musi vha tshi ni sumbedza hune na fanela u paka, hune na tea u tshimbila hone, vha tshi amba na inwi nga ha u bukela vhaṅwe vhudzulo na zwiṅwe-vho.

NDOVHEDZO Nga nnḓa ha musi zwo sumbedzwa nga iṅwe nḓila, vhane vha khou ya u lovhedzwa vha ḓo vhetshelwa zwidulo phanḓa. Vhane vha khou ya u lovhedzwa vha fanela u dzula henefho musi nyambo ya ndovhedzo i sa athu u thoma nga Mugivhela nga matsheloni. Muṅwe na muṅwe u fanela u ḓa na thavhula yawe na zwiambaro zwi ṱhonifheaho zwine a ḓo lovhedzwa ngazwo.

MIṊEELO Zwo ḓura u wana fhethu hune roṱhe ra nga fhelela, zwishumiswa zwa muzika, vidio na zwiṅwe zwine zwa ḓo ita uri buthano ḽi takadze na u ita uri ri vhe na vhushaka havhuḓi na Yehova. Miṋeelo yaṋu ya u ḓifunela i thusa u badela dzenedzi tshinyalelo na u tikedza kha mushumo wa shango ḽoṱhe. Ni nga ṋeela kha mabogisi o swaiwaho u mona na fhethu hoṱhe. Ni nga ṋeela na kha inthanethe kha donate.pr418.com. Miṋeelo yoṱhe ri a i livhuwa vhukuma. Tshigwada tshi Langaho tshi livhuwa mafunda a vhoiwe noṱhe a u tikedza Muvhuso wa Mudzimu.

THUSOTHANGI Ṱhogomelani uri i shumiswa kha vhuimo ha shishi fhedzi.

ZWO XELAHO ZWA WANALA Arali na wana tshithu tshine a ni ḓivhi uri ndi tsha nnyi, ri humbela uri ni tshi ise Lost and Found. Arali hu na tshe na xedza, iyani kha wonoyo muhasho nahone ni tshi ṱaluse. Vhana vho xelanaho na vhabebi vhavho vha fanela u iswa kha wonoyo muhasho. U itela u iledza honohu vhuimo vhu tsikeledzaho, ri humbela uri ni ṱhogomele vhana vhaṋu na u dzula ni navho tshifhinga tshoṱhe.

FHETHU HA U DZULA Ri humbela uri ni humbulele vhaṅwe. Humbulani uri ni nga vhetshela fhedzi zwidulo vha muṱa waṋu, vhane na khou tshimbila navho nga goloi, vhane na dzula navho muḓini muthihi kana vhane na guda navho Bivhili. Ri humbela uri ni songo vhea zwithu nṱha ha zwidulo zwine a ni nga ḓo dzula khazwo.

VHANE VHA ṰOḒA U THUSA Arali ni tshi takalela u shela mulenzhe kha nzudzanyo dza buthano, ri humbela uri ni ye kha muhasho wa Information and Volunteer Service.

Tshikolo Tsha Vhahuweleli Vha Muvhuso Vhavulanḓila vha re na miṅwaha ya 23 u ya kha ya 65 vhane vha takalela u ita zwo engedzeaho vhuḓinḓani vha khou rambiwa muṱanganoni wa vhane vha ṱoḓa u ya Tshikoloni Tsha Vhahuweleli Vha Muvhuso nga Swondaha nga masiari. Tshifhinga na fhethu zwi ḓo ḓivhadzwa.