Ndi mini tshine tsha ri ṱuṱuwedza uri ri dzule ri tshi tevhela Yesu? Muapostola Paulo o fhindula a ri: “Ri kombetshedzwa nga lufuno lwa Kristo.” (2 Vha-Korinta 5:14) Kha hetshi tshipiḓa ri ḓo guda nga ha lufuno lune Yesu a vha nalwo—kha Yehova, kha vhathu, na kha riṋe nga muthihi nga muthihi. U guda zwenezwo zwi ḓo ri ṱuṱuwedza vhukuma. Ri a kwamea nahone ri pfa ri tshi ṱuṱuwedzelwa u dzhia vhukando, u ita mvelaphanḓa kha u tevhela tsumbo ya Muṋe washu.