NGUDO 16
U Ṱuṱuwedza Na U Amba Nga Nḓila I Fhaṱaho
Yobo 16:5
MANWELEDZO: Livhisani ṱhogomelo kha zwithu zwine zwa ḓo ṱuṱuwedza vhathetshelesi vhaṋu na u wana thandululo, nṱhani ha u livhisa ṱhogomelo kha thaidzo.
NḒILA YA U ZWI ITA:
-
Ivhani na mavhonele avhuḓi nga vhathetshelesi vhaṋu. Ivhani na fulufhelo ḽa uri vhathetshelesi vhaṋu vha ṱoḓa u takadza Yehova. Naho ni tshi fanela u ṋea nyeletshedzo, thomani nga u khoḓa zwi tshi bva mbiluni nga hune zwa nga konadzea ngaho.
-
Iledzani u amba zwithu zwi ṱhavhaho. Ni songo ambesa nga maipfi ane a ṱhavha, fhedzi ni ambe ane a ḓo vhuyedza vhathetshelesi vhaṋu. Nḓila ine na ṋekedza ngayo nyambo i fanela u vha i fhaṱaho.
-
Shumisani zwavhuḓi Ipfi ḽa Mudzimu. Sumbedzani vhathu zwe Yehova a zwi ita, zwine a khou zwi ita na zwine a ḓo zwi itela vhathu. Ṱuṱuwedzani na u khwaṱhisa vhathetshelesi vhaṋu.