NGUDO 18
Mafhungo A Vhuyedzaho Vhathetshelesi Vhaṋu
1 Vhakorinta 9:19-23
MANWELEDZO: Itani uri vhathetshelesi vhaṋu vha humbule nga ha zwe vha zwi guda nahone vha pfe uri vho guda zwithu zwa ndeme.
NḒILA YA U ZWI ITA:
-
Ṱhogomelani zwine vhathetshelesi vhaṋu vha zwi ḓivha. Nṱhani ha u dovholola zwine vha zwi ḓivha, vha thuseni uri vha vhone eneo mafhungo nga iṅwe nḓila.
-
Itani ṱhoḓisiso nahone ni elekanye. Musi zwi tshi konadzea, ambani zwidodombedzwa zwiswa nga mafhungo ane vha a ḓivha kana zwithu zwine zwa khou itea nga tshenetsho tshifhinga u itela u bvisela mbuno dza ndeme khagala. Humbulani vhukuma nga nyambo yaṋu, ni ṱhogomele uri i tshimbidzana hani na mbuno dzine na ṱoḓa u dzi amba.
-
Sumbedzani uri mafhungo aṋu ndi a ndeme. Sumbedzani vhathetshelesi vhaṋu uri vha nga shumisa hani eneo Maṅwalo ḓuvha ḽiṅwe na ḽiṅwe. Haseledzani vhuimo, mavhonele na zwithu zwe vhathetshelesi vhaṋu vha ḓowela u zwi ita.
