NGUDO 2
U Amba Nga Nḓila Ya Ṱhonifho
2 Vhakorinta 2:17
MANWELEDZO: Ambani nga nḓila yo ḓoweleaho na ine ya sumbedza nḓila ine na ḓipfa ngayo nga ha mafhungo ane na khou a amba na nga ha vhathetshelesi vhaṋu.
NḒILA YA U ZWI ITA:
-
Thomani nga thabelo nahone ni lugiselele nga vhulondi. Rabelani uri ni livhise ṱhogomelo kha mulaedza waṋu, hu si kha inwi muṋe. Dzudzanyani mbuno dzine na khou ṱoḓa u dzi amba. Dzi ambeni nga maipfi aṋu; ni songo tou vhala zwo ṅwalwaho kha khandiso.
-
Ambani zwi tshi bva mbiluni. Humbulani uri ndi ngani vhathetshelesi vhaṋu vha tshi fanela u pfa wonoyo mulaedza. Livhisani ṱhogomelo khavho. Nḓila ine na ima ngayo, u dzinginyisa muvhili na mbonalo ya tshifhaṱuwo zwi sumbedza uri ni a vha funa nahone ni na vhukonani.
-
Sedzani vhathetshelesi vhaṋu. Sedzani vhathetshelesi vhaṋu arali zwenezwo hu si lunyadzo. Musi ni tshi khou ṋekedza nyambo, sedzani muthu nga muthihi nga muthihi, nṱhani ha u sedza vhathu vhoṱhe nga tshifhinga tshithihi.
