Wanani nahone ni shumise mafhungo ane a fulufhelea. Zwine na zwi amba zwi tea u bva Bivhilini nahone ni vhale khayo nga ho livhaho musi zwi tshi konadzea. Arali ni tshi khou amba nga ha saintsi, mafhungo ane a khou itea ḽifhasini, tshenzhelo kana zwiṅwe zwithu, thomani ni sedze arali fhethu he na wana hone mafhungo hu tshi fulufhelea nahone zwi tshifhingani.

Shumisani mafhungo ane na a wana nga vhulondi. Ṱalutshedzani maṅwalo nga nḓila ine ya tendelana na maṅwe mafhungo, mulaedza une wa vha Bivhilini na khandiso dzi bvaho kha “mulanda a fulufhedzeaho na wa vhuṱali.” (Mat. 24:45) Shumisani mafhungo ane a si vhe Bivhilini nga vhulondi, ni songo shandula zwenezwo zwithu kana u amba zwe muṅwali a si zwi ambe.

Haseledzani na vhathetshelesi vhaṋu nga ha honoho vhuṱanzi. Musi no no vhala luṅwalo kana u redza zwo ambiwaho huṅwe, vhudzisani mbudziso nga vhutsila kana ni shumise tshifanyiso u itela u thusa vhathetshelesi vhaṋu uri vha ḓiwanela phindulo.