Khethani zwifanyiso zwo leluwaho. U fana na Yesu, shumisani zwithu zwiṱuku u itela u ṱalutshedza zwithu zwihulwane, zwithu zwo leluwaho u itela u ṱalutshedza zwithu zwi konḓaho. Ni songo engedza zwidodombedzwa zwi si na mushumo, zwine zwa ḓo ita uri tshifanyiso tshi konḓe. Itani vhungoho ha uri tshifanyiso tshine na khou tshi shumisa tshi tshimbidzana na zwine na khou zwi funza u itela uri vhathetshelesi vhaṋu vha si ḓaḓe nga nṱhani ha zwidodombedzwa zwi sa tshimbidzani.

Humbulani nga ha zwine zwa ḓo vhuyedza vhathetshelesi vhaṋu. Khethani zwifanyiso zwine zwa ḓo ita uri vhathetshelesi vhaṋu vha shele mulenzhe na zwine zwa vha takadza. Ṱhogomelani uri zwifanyiso zwaṋu zwi si vha shonise kana u vha khukhulisa.

Funzani mbuno. Livhisani ṱhogomelo kha u funza mbuno, hu si kha zwidodombedzwa zwi si na mushumo. Itani vhungoho ha uri vhathetshelesi vhaṋu a vha humbuli tshifanyiso fhedzi, fhedzi vha dovha vha humbula na zwe vha zwi guda kha tshenetsho tshifanyiso.