“Mudzimu . . . u ḓo phumula miṱodzi yoṱhe maṱoni avho, lufu a lu tsha ḓo vha hone, u ṱungufhala, u lila na vhuṱungu a zwi tsha ḓo vha hone. Zwithu zwa kale zwo fhela.”​—Nzumbululo 21:3, 4, Bivhili ya Ṱhalutshedzelo Ya Shango Ḽiswa.

Ni ḓo vha na mushumo wavhuḓi na u fushaho.​—Yesaya 65:21-23.

A ni tsha ḓo lwala kana u shengela.​—Yesaya 25:8; 33:24.

Ni ḓo tshila tshoṱhe no takala na muṱa na khonani.​—Phisalema 37:11, 29.

Ee, ri nga tenda nga nṱhani ha zwiitisi zwivhili:

• Mudzimu u a ita zwe a fhulufhedzisa. Bivhilini, ndi Yehova Mudzimu e eṱhe ane a vhidzwa “Ramaanḓaoṱhe,” ngauri maanḓa awe ha na mukano. (Nzumbululo 15:3) Nga zwenezwo, u na maanḓa a u shandula shango uri ḽi vhe fhethu ha khwine sa zwe a fhulufhedzisa. Ndi ngazwo Bivhili i tshi ri: “A hu na tshine Mudzimu a si tshi kone.”​—Mateo 19:26.

• Mudzimu u na lutamo lwa u ita zwe a fhulufhedzisa. Sa tsumbo, Yehova u ṱuvha kana u ṱulutshelwa u vusa vhathu vho faho.​—Yobo 14:14, 15.

  Bivhili i dovha ya sumbedza uri Yesu, Murwa wa Mudzimu, o fhodza vhalwadze. Ndi ngani o vha fhodza? Ndi ngauri o vha a tshi funa u vha fhodza. (Marko 1:40, 41) Yesu o sumbedza nga vhuḓalo zwine Khotsi awe a vha zwone nga u tama u thusa vha shayaho.​—Yohane 14:9.

  Zwenezwo zwi ita uri ri vhe na vhungoho ha uri Yehova na Yesu vha ṱoḓa u ri thusa u vha na vhumatshelo havhuḓi!​—Phisalema 72:12-14; 145:16; 2 Petro 3:9.