NGA 1919, ho itea zwithu zwivhili zwine zwa tshimbidzana zwe ha porofitiwa nga hazwo. Ho vha ho porofitiwa nga ha “marambo o omaho” na nga ha “ṱhanzi . . . mbili.” Zwi re kha bono ḽa “marambo o omaho” zwi ambela kha tshifhinga tshilapfu vhukuma (tshe tsha vha miṅwaha minzhi-minzhi). Tshenetsho tshifhinga tsho guma musi hu tshi itwa uri tshigwada tshihulwane tsha vhathu vha Mudzimu tshi dovhe tshi tshile. (Hesek. 37:2-4; Nzumb. 11:1-3, 7-13) Vhuporofita vhu ambaho nga ha “ṱhanzi . . . mbili” vhu ambela kha tshifhinga tshipfufhi (zwenezwi zwo itea magumoni a 1914 u swika mathomoni a 1919). Tshenetsho tshifhinga tsho guma musi hu tshi itwa uri tshigwada tshiṱuku tsha vhashumeli vha Mudzimu tshi dovhe tshi tshile. Honovhu vhuporofita hoṱhe ho vha vhu tshi khou sumbedza u vuswa ha lwa pfanyisedzo nahone zwe zwa porofitiwa zwo itea musalauno nga 1919. Zwo itea musi Yehova a tshi ita uri vhashumeli vhawe vho ḓodzwaho vha “im[e] nga milenzhe,” vha bve Babele Ḽihulu he vha vha vho thubiwa hone nahone vha kuvhanganywa tshivhidzoni tsho vusuluswaho.—Hesek. 37:10.

Fhedzi ṱhogomelani uri zwenezwi zwithu zwivhili zwe ha porofitiwa nga hazwo, zwo itea nga nḓila dzi sa fani. Vhuporofita ha “marambo o omaho” vhu ambela kha tshifhinga tshine vhaḓodzwa vhoṱhe vha ḓo itwa uri vha dovhe vha tshile. Fhedzi vhuporofita ha “ṱhanzi . . . mbili” vhu ambela kha tshifhinga tshine vhaṅwe vha masalela a vho ḓodzwaho vha ḓo itwa uri vha dovhe vha tshile. Eneo masalela a vho ḓodzwaho, ndi vhe vha vha vha tshi khou ranga phanḓa ndanguloni, vho vhewa uri vha vhe “mulanda a fhulufhedzeaho na wa vhuṱali.”—Mat. 24:45; Nzumb. 11:6. *

1. HO NO FHIRA 100 C.E.

   U bva ḓanani ḽa vhuvhili ḽa miṅwaha C.E. u ya phanḓa, “govha” ḽo vha ḽo ḓala nga “marambo” musi tshivhidzo tsha Vhakriste vho ḓodzwaho tsho vhulawa nga lwa pfanyisedzo

2. MATHOMONI A 1919

   1919: “Marambo o omaho” o mbo ḓi itwa uri a tshile musi Yehova a tshi ita uri vhaḓodzwa vhoṱhe vha bve Babele Ḽihulu, vha kuvhanganywa tshivhidzoni tsho vusuluswaho

1. MAGUMONI A 1914

   dzi huwelela dzo ambara “madzanganda”

   1914: “Ṱhanzi . . . mbili” dzo huwelela “dzo ambara madzanganda” lwa miṅwaha miraru na hafu. Dzenedzo ṱhanzi dzo vhulawa lwa pfanyisedzo musi yeneyo miṅwaha i tsini na u fhela

2. lufu lwa pfanyisedzo

3. MATHOMONI A 1919

   1919: “Ṱhanzi . . . mbili” dzo itwa uri dzi tshile musi tshigwada tshiṱuku tsha vhahashu vho ḓodzwaho vhe vha vha vha tshi khou ranga phanḓa ndanguloni vha tshi vhewa uri vha vhe “mulanda a fhulufhedzeaho na wa vhuṱali”