BOGISI ḼA U FUNZA 16B
U Lila Na U Gomela, U Swaya, U Vhulaya—Zwi Ḓo Itea Lini Nahone Hani?
Zwi re kha bono ḽo ṅwalwaho kha Hesekiele ndima 9, zwi khou itea na ṋamusi. U pfesesa nḓila ine zwithu zwa ḓo itea ngayo zwi nga ri thusa u sedzana na vhufhelo ha ḽino shango ri na fhulufhelo
U “lila na u gomela”
LINI: Maḓuvhani a vhufhelo, musi maṱungu mahulu a sa athu u thoma
HANI: Vhathu vha mbilu dzavhuḓi vha sumbedza uri vha nengwa vhuvhi ha ḽino shango nga zwine vha zwi amba na u zwi ita. Vhenevho vhathu vha a thetshelesa musi hu tshi huwelelwa khavho, vha bvela phanḓa vha tshi ambara vhumuthu vhu fanaho na ha Kristo. Vha tea u lovhedzwa u sumbedza uri vho ḓiṋekedzela kha Yehova na u tikedza vharathu vha Kristo nga u fhulufhedzea
“U swaya”
LINI: Nga maṱungu mahulu
HANI: Munna o faraho inki na tsha u ṅwala u imela Yesu Kristo musi a tshi ḓa u haṱula tshaka dzoṱhe. Vha gogo ḽihulu vha ḓo swaiwa kana u haṱulwa sa nngu, u itela u sumbedza uri vha ḓo ponyoka nndwa ya Haramagedo
“U vhulaya”
LINI: Nga nndwa ya Haramagedo
HANI: Nga nndwa ya Haramagedo, Yesu u ḓo ranga phanḓa mmbi ya ṱaḓulu ine ya katela vharuṅwa na vha 144 000 vhane a ḓo vhusa navho. Vha ḓo lwa na ḽino shango ḽivhi, vha ḽi fhelisa tshoṱhe, vha tshidza vhagwadameli vha Yehova uri vha dzule shangoni ḽiswa