TSHIPIḒA TSHA VHUVHILI
“Wo Tshikafhadza Nnḓu Yanga Khethwa”—Vhurabeli Ho Kunaho Ho Tshikafhadzwa
TSHIPIKWA: Vhathu vha Yuda na vha Yerusalema vha tshikafhadza vhurabeli ho kunaho nahone vha ḓifara luvhi
Yehova o vha a tshi funa Vhaisiraele, a tshi vha dzhia sa ‘vhathu vhawe vho khetheaho.’ (Ek. 19:5) Fhedzi a vho ngo dzhiela nṱha nḓila ye Yehova a vha a tshi vha funa ngayo. Vho gwadamela midzimu ya mazwifhi thembeleni ye ya vha i tshi vhidzwa nga dzina ḽawe! Vho vhaisa mbilu ya Yehova na u mu nyadzisa. Ndi ngani Vhaisiraele vho ita zwithu zwa fhasi nga u rali? Ri nga guda mini kha zwe Hesekiele a zwi porofita nga ha u fheliswa ha muḓi wa Yerusalema? Ri nga guda mini kha nḓila ye Vhaisiraele vha shumisana ngayo na tshaka dze dza vha dzi tshi dzula tsini navho?
KHA HETSHI TSHIPIḒA
NDIMA 5
“U Vhone Zwithu Zwivhi Na Zwi Nengisaho Zwine Vha Khou Zwi Ita”
Hesekiele u vhona zwiitea zwi ofhisaho zwi sumbedzaho u tshinyala tshoṱhe ha vhurabeli ho kunaho.
NDIMA 6
“Zwino Ndi Tshifhinga Tsha Uri U Fheliswe”
Zwe Hesekiele a zwi ita zwi sumbedza zwe Yehova a vha a tshi ḓo zwi ita musi a tshi sumbedza muḓi wa Yerusalema mbiti dzawe.
NDIMA 7
Tshaka Dzi Ḓo “Ḓivha Uri Ndi Nṋe Yehova”
Tshaka dze dza tshinya dzina ḽa Mudzimu, u tovhola kana u ṱuṱuwedza vhathu vhawe u ita zwivhi, a dzi nga ponyoki masiandoitwa a zwiito zwadzo. Ri nga guda mini kha nḓila ye Vhaisiraele vha shumisana ngayo na dzenedzo tshaka?
