Marangaphanḓa
Shangoni ho ḓala vhathu vhane vha vhenga vhaṅwe. Vhathu vha sumbedza uri vha vhenga vhaṅwe nga nḓila nnzhi dzo fhambanaho. Vha zwi sumbedza nga u vha na tshiṱalula, nga u vha ṱhavha nga maipfi kana nga u vha tambudza. Naa hu ḓo vhuya ha vha na tshifhinga tshine vhathu vha si tsha ḓo vhengana? Thero dzi re kha hetshi Tshiingamo dzi ḓo ri sumbedza nḓila ine Bivhili ya nga ri thusa ngayo uri ri si tsha vhenga vhaṅwe. Zwiṅwe hafhu, dzi ḓo ri vhudza nga ha zwe Mudzimu a zwi fhulufhedzisa zwa uri u ḓo ita uri vhathu vha si tsha dovha vha vhengana lwa tshoṱhe.