Roṱhe ri na tshifhinga tshiṱuku tsha u ita ngudo ya muthu nga eṱhe. Fhedzi ri nga tshi shumisa hani nga nḓila ya vhuṱali? Musi ni tshi vhala, ni ḓiṋee tshifhinga. Ni ḓo vhuyelwa arali na vhala zwithu zwiṱuku nga vhuronwane nṱhani ha u vhala zwithu zwinzhi-zwinzhi no sokou zwi fhufha nga nṱha.

Ḓivhetsheleni zwipikwa. (Vhaef. 5:15, 16) Ni nga lingedza u ita zwi tevhelaho:

• Vhalani Bivhili ḓuvha ḽiṅwe na ḽiṅwe. (Ps. 1:2) Zwi nga vha zwavhuḓi u thoma nga u vhala ndima dza Bivhili dzine dza ḓo haseledzwa miṱanganoni vhege iṅwe na iṅwe.

• Lugiselelani thero ya Tshiingamo ine ya ḓo gudwa yeneyo vhege na miṱangano ya vhukati ha vhege. Ni dzule no ḓilugisela u fhindula.—Ps. 22:22.

• Musi ni tshi wana tshifhinga, ni nga lingedza u ṱalela dzividio na u vhala Tshiingamo tsha tsimuni na dziṅwe thero dzine dza wanala kha jw.org.

• Itani ṱhoḓisiso nga ha thero ine na i takalela. Ni nga ita ṱhoḓisiso nga ha thaidzo ine na khou sedzana nayo, mbudziso ine na vha nayo kana nga ha zwiṅwe zwithu zwi re Bivhilini zwine na nga takalela u zwi pfesesa zwavhuḓi.