Musi ri tshi vhala Bivhili, ri nga ita ṱhoḓisiso u itela u pfesesa khwine zwine ra khou zwi vhala. Fhedzi ri vha ri sa khou vhalela u sokou engedza nḓivho ine ra vha nayo nga ha Bivhili. Ri vha ri tshi khou ṱoḓa u wana zwo engedzeaho nga ha zwine Yehova a vha zwone, zwine zwa ḓo ita uri ri mu fune nga ho engedzeaho. Uri ri zwi kone, ri nga ḓivhudzisa uri: ‘Enea mafhungo ane nda khou a vhala Bivhilini a ngudisa mini nga ha Yehova?’

Sa tsumbo, ni nga lingedza u wana nḓila dze Yehova a sumbedza ngadzo lufuno, vhuṱali, u haṱula nda nḓila yo teaho na maanḓa ane a vha nao. Hu na zwiṅwe zwithu zwinzhi zwavhuḓi zwine Yehova a vha zwone zwine na nga guda nga hazwo. Ni nga wana ngafhi mafhungo o engedzeaho nga ha zwenezwi zwithu?

Ni nga wana zwithu zwi fhiraho 50 zwi ṱalusaho zwine Yehova a vha zwone kha Watch Tower Publications Index fhasi ha tshiṱoho “Jehovah” fhasi ha tshiṱohwana “Qualities by Name.” Itani ṱhoḓisiso nga ha zwine zwa tshimbidzana na mafhungo ane na khou a vhala. (Arali ni tshi ṱoḓa u shumisa Research Guide for Jehovah’s Witnesses, iyani fhasi ha tshiṱoho “Jehovah God” ni ye kha tshiṱohwana “Jehovah’s Qualities.”)