Ḽiṅwe ḓuvha wahashu wa ngei New Zealand o ṱalela vidio ine ya ri “Have . . . Concern for One Another.” Yeneyi vidio i haseledza uri Yehova ha sokou pfela vhuṱungu fhedzi, fhedzi u dovha a zwi sumbedza. (Yes. 63:7-9) O ita phetho ya u shumisa zwe a zwi guda na u ṱoḓa zwibuli zwa u thusa muṅwe muthu. Nga murahunyana ḽeneḽo ḓuvha o ya mavhengeleni u renga zwiḽiwa, a ṱangana na muṅwe mufumakadzi we a vha a si na haya, a humbela u mu rengela zwiḽiwa. Onoyo mufumakadzi a tenda. Musi onoyo wahashu wa tshifumakadzini a tshi mu ṋea zwenezwo zwiḽiwa, o shumisa tshenetsho tshibuli u ṱanziela a tshi shumisa tshibammbiri Naa Ri Ḓo Vhuya Ra Ḽa Lu Ḓifhaho?

Onoyo mufumakadzi a mbo ḓi tshililo ṱhukhu! O ṱalutshedza uri o vha o aluswa sa Ṱhanzi fhedzi a ṱutshela ngoho miṅwaha minzhi yo fhiraho. Fhedzi o vha a tshi khou rabela uri Yehova a mu thuse u vhuyelela khae. Onoyo wahashu a ṋea onoyo mufumakadzi Bivhili nahone a ita ndugiselelo ya uri hu thomiwe pfunzo ya Bivhili. a

U fana na Yehova ri nga pfela vhathu vhuṱungu, u katela na mashaka ashu na vhahashu tshivhidzoni. Nahone ri nga sumbedza u pfela vhuṱungu nga u ṱoḓa zwibuli zwa u vhudza vhaṅwe nga ha Yehova.